Edhekiɛl 17:19 - JAM DE NHIALIC 2011

¹⁹ Aye Bɛ̈nydït Awärjäŋ lueel an, “Në yic, ke ya ye Nhialic pïïr, abä luöi këtuc në biäk cï yen löŋ cï mac dhoŋ kɔ̈u, löŋ wään cï yen gutguut looi në rinkï an bïï muk.

Edhekiɛl 17:19 ပူးပေါင်းရင်းမြစ်များ

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

1 Mel 2:33

Ariöp de nääkden abï lööny ë Jowap yeth kekë käude ananden, ku Bɛ̈nydït abï mät yiɛ̈n Debid, ku käude, ku thöönyde, aɣet athɛɛr?”

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Jeremia 5:9

Cä keek duëër luöi këtuc në biäk de ee kënë, ku ja guur looi në jur cït ee kënë?

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 16:59

Aye Bɛ̈nydït Awärjäŋ lueel an, “Wek bä luöi kë rɔ̈ŋ ke week, në biäk ya wek gutguutdun dhöl yic, ku dhuɔŋkï mät kɔ̈u.

Edhekiɛl 17:18

Acï gutguutde dhoŋ kɔ̈u, kekë löŋ cï mac. Acï ee kakë looi kedhie, ku ënɔɔnë acïï bï poth.”

Edhekiɛl 17:20

Yɛn bï bɔi de yiëëp thieth ku dam thïn. Abä lɛɛr Babilonia ku abä lɔ luöi këtuc ëtɛ̈ɛ̈n, në biäk cïï yen piɔ̈u adöt ke yɛn.

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Nyöŋ 5:11

‘Duökï rin ke Bɛ̈nydït Nhialicdun ee cɔ̈l baŋ në ka ɣäär yiic, në luöi bï Bɛ̈nydït Nhialicdun raan ëbɛ̈n luöi këtuc, raan ee yen cɔɔl rin baaŋ në ka ɣääriic.