Edhekiɛl 17:14 - JAM DE NHIALIC 2011

¹⁴ ke bï jur muk ke ke cïï tɔŋ bï bɛ looi, ku bïï ŋic ëgɔk nɔn bïï ë mät döt.

Edhekiɛl 17:14 ပူးပေါင်းရင်းမြစ်များ

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Dhiëëu 5:10

Cɔk acï wo gäm atuöc de guöp, ka wo cï gup tuöc cï many de tiim.

Edhekiɛl 17:6

Go wäl cil, go tim mol piny ku jɔ cuaar abïï tim thiɔ̈ɔ̈ŋ nɔm. Ku jɔ kërke cuaar ke ke lɔ nhial tëde cuɔɔr, ku jɔ meike lɔ piny. Enap acï kërke ku yïth kuöm piny.

Edhekiɛl 29:14

ku abä ke bɛ tɔ rɛ̈ɛ̈r në Rip të lɔ wöuwic, pinydɛn thɛɛr. Ëtɛ̈ɛ̈n abïk aa ciɛɛŋ kɔ̈c,

Edhekiɛl 29:15

ciɛɛŋ kɔ̈c në ciɛɛŋ yiic kedhie, ku acïkï juöör kɔ̈k bï bɛ cieŋ ananden. Abä keek tɔ cïn naamden aya ka acïkï bï lëu luɔi bïï kek jurdäŋ bɛ tɔ piŋ këde piɔ̈nden.

Nyöŋ 28:43

“Kɔc lei rɛ̈ɛ̈r pinydun, abïk aa lɔ ke ke ril, ku riɛldun abï aa lɔ ke thök ë määth.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.