Edhekiɛl 16:9 - JAM DE NHIALIC 2011

⁹ “Na wën ke ya nöm pïïu ku waak riɛm wei ë yïguöp. Guɔ miök de olip tac ë yïguöp.

Edhekiɛl 16:9 ပူးပေါင်းရင်းမြစ်များ

Diɛt 23:5

Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Edhekiɛl 16:10

Ku gäm yïn lupɔ cï kɔɔc ë ciin, ku gäm yïn war piɛth ke dël, ku lupɔ piɛth lɔ mot bïï yïn yïnɔm kum, ku lupɔ lɔ bilbil.

Edhekiɛl 16:4

Të ɣɔn dhiëthë yïn aa cïn raan ë tem yï tɔɔr, ku wɛɛk yïn ku coth yïn në amilɔ ku nɔn deer yïn në lupɔ.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

1 Kor 10:2

Ku acï ke baptith kedhie në këde Mothe ë luätic ku wɛ̈ɛ̈ric,

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 1:21

Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic.

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 5:8

Ku cäätɔɔ anukï kadiäk ë piny nɔm, Wëidït, ku pïïu, ku riɛm: ku diëŋkë amɛ̈tkï ëtök.

Ruuth 3:3

Ka yïn waakë apiɛth, ku tɔc rɔt në aŋiëër, ku tääuwë lupɔɔkuön piɛth, ku lɔ ë jöŋ kɔ̈u të le yen käm. Ku du rɔt nyuth en abïï kɔn thök ë cäm ku dëk.