Edhekiɛl 16:7 - JAM DE NHIALIC 2011

⁷ Guɔ yïn tɔ dït cï wɛ̈ɛ̈l cïn guöp kɔ̈m. Go jɔ dït ke yï ril ku lɔɔr ke yï bäär abä jɔ aa tiiŋ koor. Thinku acï ke cak apiɛth, ku nhimku acïk dït apiɛth, ku yïn aa cïn kɔ̈u lupɔ.

Edhekiɛl 16:7 ပူးပေါင်းရင်းမြစ်များ

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Diɛt 135:4

Bɛ̈nydït acï dhiën de Jakop lɔ̈c rɔt, ku lɔc kɔc ke Yithriɛl ke ke ye kɔcke.

Diɛt 147:20

Akën ee kënë kɔn luöi juöör kɔ̈k, akuckï lööŋke. Lɛckï Bɛ̈nydït!

Diɛt 148:14

Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Bɛ̈n 12:37

Na wën, ke kɔc ke Yithriɛl ë ke jël në kecök Ramethith lekï Thukoth. Ku röör aake ye bot kadhetem ka aguum të cïn diäär, ku mïth.

Bɛ̈n 3:22

Tik ëbɛ̈n në diëër ke Yithriɛliic, abï tiiŋ ë Rip thiëëk kek aa lip, ku nɔn ee yen tiiŋ rëër en ɣönde. Abïï lip ë lupɔɔ, ku joth ke adhääp, ku joth ke ateek. Ku abï diëërkun ke lɔ tääu në mïthken gup, ayï duetken aya. Ku abïk wëu ke kɔc ke Rip jat wei ëbɛ̈n në ee kueerë.”

Diɛt ke 4:5

Thinku acïtkï keu, ku cïtkï acuek ke ŋeer nyuäth në agurbiökiic.

Diɛt ke 8:10

Yɛn ee päny, ku thinkï kek aye ɣööt bɛ̈ɛ̈rke. Ku aŋic ë monydiën nhiaar, an, të rɛ̈ɛ̈r ɛn wokë yen, yɛn ee ayum de piɔ̈u yök kekë mät.

Diɛt ke 8:8

Wok de nïïm nyankënëdan koor, ku aŋoot ke kën thin bɛ̈n. Eeŋö buk luöi yen të le dhuk en kɛ̈ny?

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 62:3

Yïn bï ciët göl läk tëde Bɛ̈nydït.

Edhekiɛl 16:16

Yïn ee lupɔɔkuön kɔ̈k looi ke ke ye ka ye tëduön de läm jäm, ku cï man ë akɔɔrröör yïn ee rɔt gäm raan ëbɛ̈n.

Edhekiɛl 16:22

Në akööl wään rëër yïn arac ke yï ye akɔɔrröör, yïn kën yïnɔm kɔn tak në akööl wään ee yïn meth, wään cïn yïn kɔ̈u lupɔ, wään ee yïn dal ë riɛmdu yic.”

Edhekiɛl 16:6

“Na wën aa tɛ̈ɛ̈k ke yï tiëŋ ke yï nyɔɔŋ rɔt piny në riɛmdu yic. Riɛm aacï yï kum guöp ëbɛ̈n, ku yïn kɛ̈n bɛ̈n päl thuɔɔu.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Luɔi 7:17

Na wën, aacï kööl cïï Nhialic mac kekë Abraɣam guɔ thiɔ̈k, ke kɔc ë ke jɔ rɔt ŋuak abïk juëc arëët paan ë Rip.

Nyöŋ 1:10

Në luɔɔi cïï Bɛ̈nydït Nhialicdun week tɔ juëc, ku wek cï juëc ka wek cï ciët kuɛl nu nhial.

Nyöŋ 1:11

Ku yɛn läŋ Bɛ̈nydït de kuarkun, bïï week tɔ ye kɔc juëc raan agum, ku thieei week wedhie, cït man ë kë cï thɔ̈n week.

Nyöŋ 4:8

Acïn jur däŋ cakaa yen ë dït, jur de nɔm lööŋ cït lööŋ cän week wɛ̈ɛ̈t ee köölë.