Edhekiɛl 16:63 - JAM DE NHIALIC 2011

⁶³ Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 16:63 ပူးပေါင်းရင်းမြစ်များ

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Diɛt 39:9

Yɛn bï thok mim ke cïn kë luɛɛl, në luɔi yen yïn ë tɔ ya nuan aya.

Diɛt 65:3

në biäk de karɛcken. Karɛckuɔ ayek wo tiaam, ku aye keek päl wook.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 79:9

Kony wook Nhialic, ku luäk wook, luäk ë wo bei në biäk de dhuëëŋ ë rinku, ku päl ë wo karɛckuɔ në biäk de rinku.

Diɛt 85:3

Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

Yith 33:24

Në kɔc rɛ̈ɛ̈r pinyda yic, acïn raan bï bɛ dok an de guöp juäi, ku karɛc ëbɛ̈n abïï ke pɔ̈l.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Dhiëëu 3:39

Eeŋö ee wo tɔ gööny të cïï wook luöi këtuc në biäk de karɛckuɔ?

Edhekiɛl 16:61

Yïn bï kë wään cï looi tak, ku yïn bï guöp yäär në yen, të le ë yï nyankui dït kekë nyankui koor bɛ̈n ciëën. Abä ke tɔ cït nyïïrku tëde yïn, cakaa nɔn liiu ee kënë në mändï yic wo yïn.

Edhekiɛl 17:1

Go jam de Bɛ̈nydït bɛ̈n tëde yɛn an:

Edhekiɛl 20:43

Ëtɛ̈ɛ̈n we bï këriëëc de ayäär ëbɛ̈n wään cäk looi jɔ tak, ku luɔi cä wek röt dhiöök. Wek bï aa riɔ̈ɔ̈c në gupkun wapäc në biäk de karɛc cäk looi.

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Edhekiɛl 43:10

Ku ŋoot Bɛ̈nydït ke jam an, “Mɛnh ë raan, lɛ̈kë baai de Yithriɛl në biäk de Luaŋdït, ku takï ke tak kïïtde. Tɔ ke yäär gup në biäk de karɛc cïk looi.

Edhekiɛl 44:13

Acïkï yɛn bï luööi ke ke ye bäny ke kake Nhialic, ku cïkï lɔ tëthiääk kekë kaɣer yiic tëde Yɛn, ku cïkï lɔ Tëɣeric aläl. Kënë ee këtuc cï luöi keek, në biäk de karɛc cïk looi.

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

Romai 3:27

Lɛc duëër raan rɔt leec akou ënɔɔnë? Aliu, aye nyai. Në löŋou? Në löŋ de luɔi? Acie yen, në löŋ de gäm, yen aa nyiɛɛiyë ye.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

1 Kor 4:7

Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”