Edhekiɛl 16:62 - JAM DE NHIALIC 2011

⁶² Yɛn bï mändï bɛ looi wo yïn, ku abä ŋic nɔn ee yɛn Bɛ̈nydït.

Edhekiɛl 16:62 ပူးပေါင်းရင်းမြစ်များ

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Edhekiɛl 16:60

Ku yɛn bï män cä looi wo yïn wään koor yïn riëëu, ku yɛn bï mät looi we yïn män bï tɔ̈u aɣet athɛɛr.

Edhekiɛl 20:37

Wek bä mac aril ëtör ku ta we gam mändï.

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Edhekiɛl 39:22

Abïï baai de Yithriɛl jɔ ŋic ënɔɔnë lee tueŋ, nɔn ee Yɛn Bɛ̈nydït Nhialicden.

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.