Edhekiɛl 16:60 - JAM DE NHIALIC 2011

⁶⁰ Ku yɛn bï män cä looi wo yïn wään koor yïn riëëu, ku yɛn bï mät looi we yïn män bï tɔ̈u aɣet athɛɛr.

Edhekiɛl 16:60 ပူးပေါင်းရင်းမြစ်များ

Cäk 9:15

Yɛn bï mändiën cä mat wo yïn, ku kapïr ëbɛ̈n aa tak, ku pïïu acïkï röt duëër be tɔ ya amool ku bekï kapïr riɔ̈ɔ̈k kedhie.

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

Diɛt 105:8

Abï mände muk aɣet athɛɛr, ku gutguutde abï tɔ̈u ke aguum ke rɛm bï lɔ̈ɔ̈k bɛ̈n.

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Lebai 26:42

Ëtɛ̈ɛ̈n, yɛn bï mändï tak wokë Jakop, ku mändï wokë Yithaak, ku mändï wokë Abraɣam, ku yɛn bï piny tak.

Lebai 26:45

Ku në baŋden yɛn bï mät tak wokë kuarken, kɔc wään bɛ̈ɛ̈i bei ë Rip, në juöör nyïïn bä ya Nhialicden. Ee yɛn Bɛ̈nydït.”

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 8:10

Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.