Edhekiɛl 16:54 - JAM DE NHIALIC 2011

⁵⁴ Yïn bï guöp yäär, ku ayärdu abï nyïïrëkɔckun nyuɔɔth nɔn piɛth kek awär yïn.

Edhekiɛl 16:54 ပူးပေါင်းရင်းမြစ်များ

Jeremia 2:26

Aye Bɛ̈nydït lueel an, “Cït nɔn ee cuɛ̈ɛ̈r guöp yäär të cïï ë yen dɔm, yen abä wek gup yäär wedhie baai de Yithriɛl, week në meliikkun ku bänykun, ku bänykuön ke ka ke Nhialic ku tït.

Edhekiɛl 16:52

Ku ënɔɔnë yïn bï ayärdu dhil guum. Karɛcku arackï awär karɛc ke nyïïrëkɔckun, ka ayek tïc ke ke cïn gup gääk awär yïn. Ënɔɔnë jɔ nyin riɔ̈ɔ̈c ku gum ayärdu, në biäk ee nyankui tɔ tiëc ke piɛthpiɔ̈u.”

Edhekiɛl 16:53

Go Bɛ̈nydït lɛ̈k kɔc ke Jeruthalem an, “Yɛn bï Thɔdom kekë wuötkɛn tɔ̈u në yelɔ̈ɔ̈m ku Thamaria kekë wuötkɛn tɔ̈u në yelɔ̈ɔ̈m bɛ tɔ kueth. Ɣɛɛ, yïn bä bɛ tɔ kueth aya.

Edhekiɛl 16:55

Keek abïk bɛ dɛ kajuëc, ku week në wuötkun we bï bɛ kiɛm piny.

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 32:24

Eelam atɔ̈u ëtɛ̈ɛ̈n, kekë rɛ̈ŋ ke remdɛn ë tɔŋ ë yelɔ̈ɔ̈m. Aake näk keek kedhie ë tɔŋic, acïk le piny ke ke kë ë cueel paan ë thuɔɔu. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär.

Edhekiɛl 5:7

Ënɔɔnë Jeruthalem piŋ kë luɛɛl, Yɛn Bɛ̈ny cït Awärjäŋ. Në biäk kën wek lööŋkï gam ku cäkkï yöökdï muk, wek cï nuɛɛn juëc looi awär juöör thiääk në week. Wek cï ciɛɛŋ de juöör kɔ̈k kuany yiic.