Edhekiɛl 16:52 - JAM DE NHIALIC 2011

⁵² Ku ënɔɔnë yïn bï ayärdu dhil guum. Karɛcku arackï awär karɛc ke nyïïrëkɔckun, ka ayek tïc ke ke cïn gup gääk awär yïn. Ënɔɔnë jɔ nyin riɔ̈ɔ̈c ku gum ayärdu, në biäk ee nyankui tɔ tiëc ke piɛthpiɔ̈u.”

Edhekiɛl 16:52 ပူးပေါင်းရင်းမြစ်များ

Cäk 38:26

Go Juda ke tïŋ ku lueel an, “Ade nɔm gök ë yic, ee yɛn de guöp awäc. Akɛ̈n tɔ nööm ë Cila wëndï tɔ ye tik.” Juda akën bɛ̈n bɛ tɔ̈c ke yen anande.

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

Jeremia 23:40

Abä ke yiɛ̈n ayäär ku riɔ̈ɔ̈c ë guöp bï tɔ̈u athɛɛr, ayär cï bï kɔn määr ë kɔc nïïm.”

Jeremia 3:11

Na wën go ë Bɛ̈nydït lɛ̈k yɛn, na cakaa nɔn cï Yithriɛl rɔt yal wei tëde yɛn, acï rɔt nyuɔɔth nɔn piɛth en awär nyankënë Juda cïn piɔ̈u adöt.

Jeremia 31:19

Wok cï röt yal wei ë Yïlɔ̈ɔ̈m, ku wok cï röt guɔ lɔ pɔ̈k Yïn. Wën cï Yïn wo luöi këtuc, wok cï wonïïm nɔ̈ɔ̈k nhial ë dhiënëpiɔ̈u. Wok cï gup riɔ̈ɔ̈c ku cuk yäär, në biäk cï wok wäc ke wo kor.’

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 16:48

“Në yic, ke ya ye Nhialic pïïr,” aye Bɛ̈nydït Awärjäŋ lueel an, “Nyankui Thɔdom kekë wuötkɛn kor akënkï karɛc cït ka cäk looi wekë wuötkun kɔn looi.

Edhekiɛl 16:53

Go Bɛ̈nydït lɛ̈k kɔc ke Jeruthalem an, “Yɛn bï Thɔdom kekë wuötkɛn tɔ̈u në yelɔ̈ɔ̈m ku Thamaria kekë wuötkɛn tɔ̈u në yelɔ̈ɔ̈m bɛ tɔ kueth. Ɣɛɛ, yïn bä bɛ tɔ kueth aya.

Edhekiɛl 16:54

Yïn bï guöp yäär, ku ayärdu abï nyïïrëkɔckun nyuɔɔth nɔn piɛth kek awär yïn.

Edhekiɛl 16:56

Ë we kën Thɔdom kɔn aa bui guöp në run ɣɔn aa wek röt lɛɛc

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 32:24

Eelam atɔ̈u ëtɛ̈ɛ̈n, kekë rɛ̈ŋ ke remdɛn ë tɔŋ ë yelɔ̈ɔ̈m. Aake näk keek kedhie ë tɔŋic, acïk le piny ke ke kë ë cueel paan ë thuɔɔu. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär.

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Edhekiɛl 44:13

Acïkï yɛn bï luööi ke ke ye bäny ke kake Nhialic, ku cïkï lɔ tëthiääk kekë kaɣer yiic tëde Yɛn, ku cïkï lɔ Tëɣeric aläl. Kënë ee këtuc cï luöi keek, në biäk de karɛc cïk looi.

Ɣodh 10:6

Ku yath abï yiɛ̈n meliŋ de Athiriya, ke ya ariöp. Ku Yithriɛl abï yäär, ku abï guöp riɔ̈ɔ̈c, në biäk ye kek yiëth ke tiim lam.

Luk 6:37

“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 2:10

Ku dhuëëŋ ku riëëu ku mät, kek abï tɔ̈u në raan ë këpiɛth looi, gɔl ë Judai, mɛ̈t Girikii thïn aya.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

1 Tham 24:17

Go lɛ̈k Debid an, “Yïn cï ya looi apiɛth, ku yïn ya luööi arac!