Edhekiɛl 16:47 - JAM DE NHIALIC 2011

⁴⁷ E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 16:47 ပူးပေါင်းရင်းမြစ်များ

1 Mel 16:31

Abïï ciët kë rɔ̈ŋ ke yen në baŋ bïï en awäny cït këde melik Jerobowam bɛ looi, acï lɔ ku thiɛɛk Jedhebel, nyan de melik Ethabaal de Thidon ku lɛ̈ŋ Baal.

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

2 Mel 21:9

Ku akën ë kɔc ke Juda gam, go Manatha ke tɔ loi karɛc wär ka ɣɔn ye juöör ke looi, juöör ɣɔn bïï Bɛ̈nydït ke cuɔp wei në kenïïm.

Jeremia 3:7

Aa ya tak wään cïï yen ë kakë looi kedhie, nɔn bïï yen rɔt dɔ̈k Ɛn, ku yen akën rɔt dɔ̈k Ɛn, ku acïï nyankënë Juda cïn piɔ̈u adöt ke tïŋ kedhie.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Edhekiɛl 16:48

“Në yic, ke ya ye Nhialic pïïr,” aye Bɛ̈nydït Awärjäŋ lueel an, “Nyankui Thɔdom kekë wuötkɛn kor akënkï karɛc cït ka cäk looi wekë wuötkun kɔn looi.

Edhekiɛl 16:51

“Thamaria akën awäny biäk wööc cït man cï yïn wäc. Yïn cï karɛc looi awär karɛckɛn wään cï looi. Riääkduön ë käŋ ë nyïïrëkɔckun tɔ woi ke ke cïn gup gääk, të thööŋ ë yïn ë yen.

Edhekiɛl 16:52

Ku ënɔɔnë yïn bï ayärdu dhil guum. Karɛcku arackï awär karɛc ke nyïïrëkɔckun, ka ayek tïc ke ke cïn gup gääk awär yïn. Ënɔɔnë jɔ nyin riɔ̈ɔ̈c ku gum ayärdu, në biäk ee nyankui tɔ tiëc ke piɛthpiɔ̈u.”

Edhekiɛl 8:17

Go ë Bɛ̈nydït lɛ̈k ɛn an, “Mɛnh ë raan, cï ee kënë tïŋ? Kek kɔc ke Jeruthalem kë, akënkï piɔ̈ɔ̈th kuɛth në luɔi de karɛckɛn kë kedhie, ka cï keek tïŋ ee tënë, ku në luɔi de akuöörkuöör cïk thiäi në piny nɔm ëbɛ̈n. Ei, abïk dhil bɛ̈n, ku bïk bɛ̈n looi ee tënë Luaŋdït, ku tɔkï yɛn göth aläl. Tïŋ lɛ̈ɛ̈tdɛn ye kek a läät në kuɛɛr ke dhääl, ku yek kewuum kum ë këër!

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!