Edhekiɛl 16:46 - JAM DE NHIALIC 2011

⁴⁶ “Nyankui dït acɔl ke Thamaria, nu ë biäk lɔ të lɔ rut kekë wuötkɛn kor, ku nyankui koor acɔl Thɔdom kekë wuötkɛn kor, nu ë biäk të lɔ wöuwic.

Edhekiɛl 16:46 ပူးပေါင်းရင်းမြစ်များ

Cäk 14:8

Ago meliŋ de Thɔdom, kekë meliŋ de Gomoora, ku meliŋ de Adma, ku meliŋ de Dheboyim, ku meliŋ de Bila rem de tɔŋden lɛɛr tɔŋ, në Wɛ̈ɛ̈r Amilɔ yɔu, lek gɔ̈m

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Yith 10:11

Yɛn ë Thamaria riɔ̈ɔ̈k kekë yiëthke ëbɛ̈n, ku yɛn bï kë cït ee kënë luöi Jeruthalem kekë ka cï guaŋ ye lam ëtɛ̈ɛ̈n.”

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Edhekiɛl 16:27

“Ënɔɔnë yɛn cï yaciin jɔt, bï yïn luöi këtuc, ku jat biäk de athiɛɛidï. Wek cä gäm Pilithiin, kɔc man week ku arackï piɔ̈ɔ̈th në karɛc yakkï keek looi.

Edhekiɛl 16:51

“Thamaria akën awäny biäk wööc cït man cï yïn wäc. Yïn cï karɛc looi awär karɛckɛn wään cï looi. Riääkduön ë käŋ ë nyïïrëkɔckun tɔ woi ke ke cïn gup gääk, të thööŋ ë yïn ë yen.

Edhekiɛl 16:61

Yïn bï kë wään cï looi tak, ku yïn bï guöp yäär në yen, të le ë yï nyankui dït kekë nyankui koor bɛ̈n ciëën. Abä ke tɔ cït nyïïrku tëde yïn, cakaa nɔn liiu ee kënë në mändï yic wo yïn.

Edhekiɛl 23:11

“Cakaa wään cï nyankënë Oɣoliba ee kënë tïŋ, ke jɔ kɔ̈ɔ̈rdɛn de röör ŋuak nyin ku tɔ dït abïï nyankënë Oɣola bɛ wuöör.

Edhekiɛl 23:2

“Mɛnh ë raan, ɣɔn aa de duet ke raan tök kaarou.

Edhekiɛl 23:4

Nyandïïtë acɔl Oɣola, ku yen atɔ̈u ë nyin de Thamaria yic, ku nyan thiinë acɔl Oɣoliba, ku yen atɔ̈u ë nyin de Jeruthalem yic.” Guɔ ke thiaak kedhie kaarou gokï yɛn dhiëth mïth.

Edhekiɛl 26:6

ku abïk kɔc nu në wuöt biic yiic nɔ̈k në abätɛ̈ɛ̈uken. Ëtɛ̈ɛ̈n, abï ë Tayer ŋic nɔn ee Yɛn Bɛ̈nydït.”

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Maika 1:5

Ku kënë ëbɛ̈n, ee biäk de kërɛɛc de Jakop. Ku eeŋa bï gäk awäny ë baai de Yithriɛl? Cie Thamaria? Ku eeŋa bï gäk awäny ë Juda, awäny cï yen yiëth kɔ̈k lam? Cie Jeruthalem yiɛnhde?

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Nyöŋ 32:32

Kɔc ke aterden acïk riääk cït man de Thɔdom kekë Gomoora, acïtkï tiim ke enap ee dhiëth ë mïth de yiic wurïï,

2 Pet 2:6

Ku kuiith pɛ̈ɛ̈nydït Thɔdom ku Gomoora piny ë mac abïk aa ŋeth, guiir en löŋden, an, bïke dhuöör piny, ago ke tɔ ye kääŋ bï kɔc bɛ̈ɛ̈i nïïm, kɔc an, bïk Nhialic aa rɛɛc riëëu.

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Nyuuth 11:8

Ku gupkɛn cï thou abïk dhɔt piny ë kueer ë pänydïtic pänydïït gök cɔl Thɔdom, ku cɔl Rip, ë cɔ̈t cï yäl kɔ̈u bei, ku ye të cï Bɛ̈nydïïtda piäät thïn aya.

Bäny 19:22

Të wën jɔ kek lɔ ke ke tɔ kepiɔ̈ɔ̈th mit, ke kɔc rac kɔ̈k ke ee wunë ke ke took ɣöndɛn niin kek thïn. Ku gutkï ɣöt thok, ke ke cɔɔl monydït arëët, an, “Bɛ̈ɛ̈iyë mony wën lɔ ɣöndu bei, ke buk bɛ̈n tɔ ye tik!”