Edhekiɛl 16:38 - JAM DE NHIALIC 2011

³⁸ Yïn bä luöi këtuc në biäk de kɔ̈ɔ̈r ë diäär ku nääk de kɔc, ku në agönhdï, ku tuöc de piɔ̈ndï yïn bä mäc thuɔɔu.

Edhekiɛl 16:38 ပူးပေါင်းရင်းမြစ်များ

Cäk 38:11

Go Juda lɛ̈k Tamar tiiŋ ë wënde an, “Lɔ baaidun, lɔ rɛ̈ɛ̈rë baai de wuur ke yï ye tiiŋ abaar, abï Cila wëndï lɔ̈ɔ̈k dhuöök.” Alëk ë Juda tiiŋ ë wënde aya, në luɔi ë riɔ̈ɔ̈c en në baŋ bï Cila wënde thou cït man ë mïthëkɔcken. Ago Tamar lɔ të nu wun, le rëër ëtɛ̈ɛ̈n.

Cäk 38:24

Na wään, aa thök ë pɛ̈i kadiäk, ke lëkë Juda an, “Tamar, tiiŋ ë wëndu ë rɔt tɔ ye akɔɔrröör, ka acï liaac në kɛɛide yic.” Ago Juda lueel an, “Bɛ̈ɛ̈ikï bei, ku nyuɔpkï në mac abï thou.”

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

Bɛ̈n 21:12

“Raan cï raan yup nɛ̈k, abï aa nɔ̈k ayadäŋ.

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Edhekiɛl 16:36

Kë lueel ë Bɛ̈nydït Awärjäŋ kï: “Yïn cï lupɔɔku yɔ̈ɔ̈t bei, në yïkɔ̈u, ku jɔ rɔt gäm määthku, ku gämë rɔt yiëthkuön rackë kedhie cï tiiŋ akɔɔrröör, ku yïn cï mïthku nɔ̈k ke ke ye miɔ̈c de yiëthku.

Edhekiɛl 16:40

“Abïk kuut de kɔc yɔ̈ɔ̈k bïk yïn biɔ̈ɔ̈k, ku abïk yïn tɛm ë thïïm në abätɛ̈ɛ̈uken.

Edhekiɛl 23:24

Abïk yïn mak, në biäk të lɔ rut ke cath ke rem dïït de tɔŋ nu në abëël kɔ̈ɔ̈th, ku abëël ɣɛ̈ɛ̈c kacaam. Kɔc gël ë kööt ku akuup ke tɔŋ, abïk we gɛɛu cil. Wek bä tääu në kecin, ku abïk week luöi këtuc në lööŋken kapäc.

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Edhekiɛl 35:6

Ka ënɔɔnë, ee yic, ke ya ye Bɛ̈nydït Awärjäŋ, yɛn ee Nhialic pïïr, thuɔɔu yen ee këdun, ku acäkï bï ban. Wek de gup awäny de nääk, ku nääk, abï we kuany cök.

Edhekiɛl 36:18

Abä ke tɔ yök tuöc de agönhdï thok, në biäk de kɔc wään cïk nɔ̈k pinyde Yithriɛl, ku në biäk de yiëth wään cï kek ye dhiöök.

Lebai 20:10

Na lɔ raan tiiŋ de raandäŋ nööm, na ee tiiŋ ë raan rɛ̈ɛ̈r kek yen ë mony ë nöm tik kekë tiiŋ ë nöm abïï keek dhil nɔ̈k kedhie.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.

Kuɛ̈n 35:16

Ku na näk raan në kë moth thok, ee wëëth ku nɔn ee tim, ke yen aduëër guöp dɛk awäny cï yen raan luc, ke yen abï nɔ̈k.

Kuɛ̈n 35:21

ku nɔn ŋoi ye cin ku gut, ka bï guöp dɛk awäny cï yen raan luc, ke yen abï nɔ̈k.

Kuɛ̈n 35:31

Raan cï luc abï dhil nɔ̈k. Acïï duëër ban në luɔi bï yen apuk tääu piny.

Nyuuth 16:6

Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!