Edhekiɛl 16:33 - JAM DE NHIALIC 2011

³³ Tiiŋ akɔɔrröör aye riɔp, ku yïn ee miɔc gäm määthku ëbɛ̈n ku kum kethook, agokï aa bɛ̈n në ɣään yiic kedhie bïk bɛ̈n tɔ̈c në yïn.

Edhekiɛl 16:33 ပူးပေါင်းရင်းမြစ်များ

Yith 30:3

Ku melik de Rip abï nɔm ciën riɛl kony en ke, ku kuɔɔny de Rip abï thök në riääk.

Yith 57:9

Wek ee röt yoor në aŋiëërdun ku kake tɔc ku jakï yanhduön Molek lɔ lam. Në luɔi bä wek yanh lamkï yök, wek ee tuc tuɔɔc piny mec ku lɛ̈ɛ̈uwic, ayï paan ë thuɔɔu.

Jeremia 2:24

ee kat ke lɔ tɛ̈n ku tɛ̈n në jɔ̈ɔ̈ric. Të cï yen guöp tuöc eeŋa duëër e gël? Acïn thɔn kɔɔr en bï rɔt nuaan, yen ee tɔ̈u anande të cïï aköölkɛn ke yök ë thɔn bɛ̈n.

Edhekiɛl 16:32

Yïn cït tiiŋ akɔɔrröör ee alɛi kɔɔr, ku cïï monyde nhiaar.

Edhekiɛl 16:34

Yïn ee tiiŋ akɔɔrröör mɛɛn. Acïn raan cï yï yɔ̈ɔ̈k bä aa akɔɔrröör. Yïn kënë riɔp, ee yïn ee keek riɔp! Ɣɛɛ, yïn ee raan mɛɛn.”

Edhekiɛl 16:41

Abïk ɣöötkun nyuɔp piny ku jɔkï kuut ke diäär tɔ tïŋ luɔi luiyë ë yïn këtuc. Yïn bä tɔ päl baldu, ku pɛ̈n yïn luɔi bï yïn määthku aa gäm miɔ̈c.

Ɣodh 2:12

Ku tiimkɛn ke enap abä keek riɔ̈ɔ̈k, ayï tiimkɛn ke ŋaap, tiim yek lueel an ë röörken kek ë riɔp keek në keek. Abä keek tɔ ye roor, ku abïï läi roor ke riɔ̈ɔ̈k.

Jowɛl 3:3

Acïk gɛk dɛɛny tëk kek röt kɔckï. Acïk wɛ̈ɛ̈t dhuök waar në diäär akɔɔrröör, ku ɣɔɔckï duet në mɔ̈n dekkï.

Maika 1:7

Yɛn bï yiëthke dhuööŋ abï ciɛ̈n tök, ka abïk riäär liŋliŋ. Ku nyuɔp këriëëcdɛn cïk gäm yiëth piny ëbɛ̈n në mac. Në biäk ë yök ë Thamaria miɔ̈cde në läm de yiëth, miɔ̈cdɛn ë läm de yiëth abä ke bɛ tɔ jɔt ë kɔc ee yiëth lam cït keek ayadäŋ.

Luk 15:30

Ku ënɔn cï wënduönë bɛ̈në, wën cï wëuku thiäi wei kekë akɔɔrröör, ke jɔ näk miɔɔr a lɔ jöt, miɔɔr cuai.’