Edhekiɛl 16:3 - JAM DE NHIALIC 2011

³ lɛ̈kë Jeruthalem kë lëk Bɛ̈nydït Awärjäŋ en. “Yïn aa dhiëth piny de Kanaan. Wuur aye raan de Amor, ku ye moor nyan de Ɣit.

Edhekiɛl 16:3 ပူးပေါင်းရင်းမြစ်များ

Cäk 11:25

Ku Naɣor acï bɔt ë run ku thiëër ku dhoŋuan lɔ̈ɔ̈k thöl ke pïïr. Go mïth kɔ̈k dhiëëth, mïthwät ku duet.

Cäk 11:29

Ago Abram thiëëk kekë Naɣor. Tiiŋ ë Abram acɔl Tharai, ku tiiŋ ë Naɣor acɔl Milka. Ku Milka kekë Yithka ee duet ke Ɣaran.

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

1 Mel 21:26

Acï kërɛɛc mɛɛn Bɛ̈nydït looi, në luɔi yen yiëth lam, cït kë ɣɔn ye kɔc ke Amor looi, kɔc ɣɔn cïï Bɛ̈nydït thiäi wei në Yithriɛl nɔm).

2 Mel 21:11

an, “Ku në luɔi cïï Manatha melik de Juda kërɛɛcdïït mɛɛn ë Bɛ̈nydït looi, karɛc wär ka ɣɔn looi ë kɔc ke Amor keek, ago Juda tɔ loi kërac në yanhdɛn cï guaŋ.

Edhr 9:1

Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Neɣe 9:7

Yïn Bɛ̈nydït Nhialic cï Abram lɔc ku bɛ̈ɛ̈iyë bei piny de Ur tɔ̈u në Babilonia, ku waar rinke an Abraɣam.

Yith 1:10

Piɛŋkï jam de Bɛ̈nydït, wek kɔc ke Thɔdom! Yak wëët de Nhialicda piŋ, wek kɔc ke Gomoora.

Yith 43:27

Kuarkuön ɣɔn thɛɛr acïk wäc, bänykun acïk ɛn luöi awäc,

Edhekiɛl 16:2

“Mɛnh ë raan, nyuöthë Jeruthalem karɛc cï keek looi.

Edhekiɛl 16:4

Të ɣɔn dhiëthë yïn aa cïn raan ë tem yï tɔɔr, ku wɛɛk yïn ku coth yïn në amilɔ ku nɔn deer yïn në lupɔ.

Edhekiɛl 16:45

Yïn guöp yïn ee nyan de moor. Aman monyde ku mïthke. Yïn cït nyïïrëkɔckun, kɔc man röörken ayï mïthken. Yïn wekë pɛ̈ɛ̈nydït nyïïrëkɔckun, we cï dɛk mɔɔrdun Ɣit ku Amor.

Edhekiɛl 21:30

“ ‘Yaakï abätɛ̈ɛ̈u nhial! Wek bä ke luöi këtuc të wään ciɛkë week thïn, piny wään dhiëëthë week.

Math 11:24

Ku yɔ̈ɔ̈k an, Këtuc bï piny ë Thɔdom yök acïï bï kït kekë këtuc bä yök ëkööl ë guiëërëlöŋ.”

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Luk 3:7

Na wën, aacï kuut dïït ë kɔc bɛ̈n, bï ke bɛ̈n baptith në yen, ke jɔ keek yɔ̈ɔ̈k an, “Wek mïth ke karɛc! Eeŋa ë yöök week an, bäk kat agönh bï bɛ̈n?

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Nyöŋ 20:17

Riäärkï kɔc nyïïn kedhie taitai, kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth, cït man cïï Bɛ̈nydït we yɔ̈ɔ̈k an luɔikï.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 13:4

Ku piny de Kanaan biäk të lɔ wöuwic aa ŋoot ke kënë peec, ayï piny de Mira (yen aye piny de Thidonai), ayï piny de Apek në aken ë kɔc ke Amor nɔm.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.