Edhekiɛl 16:27 - JAM DE NHIALIC 2011

²⁷ “Ënɔɔnë yɛn cï yaciin jɔt, bï yïn luöi këtuc, ku jat biäk de athiɛɛidï. Wek cä gäm Pilithiin, kɔc man week ku arackï piɔ̈ɔ̈th në karɛc yakkï keek looi.

Edhekiɛl 16:27 ပူးပေါင်းရင်းမြစ်များ

2 Mel 24:2

Go Bɛ̈nydït kɔc ee tɔŋ bɛ̈ɛ̈i tuöc Juda, rem de Babilon, ku Thiriya, ku Mowap, ku Amon, bïk bɛ̈n thɔ̈ɔ̈r ë Jeɣoyakim ku bïk Juda lɔ riɔ̈ɔ̈k, cït man cïï Bɛ̈nydït ye lueel, në röl de lïïmke tït ke Nhialic.

Diɛt 106:41

Acï keek päl ë riɛl juöör kuc Nhialic cin, ku jɔ kɔc ke aterden keek cieŋ.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 34:21

Ku Yɛn bï Dhedekia melik de Juda kekë bänyke gäm kɔc kɔɔr bïk keek nɔ̈k. Abä keek gäm rem de tɔŋ de Babilonia, wään cï tɔŋden tɔ kääc ke week.

Edhekiɛl 14:9

“Na cï tiët math, abïï lop bɛ̈ɛ̈r në tör, ee biäk cän yen math yɛn Bɛ̈nydït. Abä nyaai në kɔc ke Yithriɛl yiic.

Edhekiɛl 16:37

Në biäk de ee kënë yɛn bï määthkuön thɛɛr kedhie määt yiic, ka nhiaar keek ku ka man keek. Abä keek bɛ̈ɛ̈i në yïlɔ̈ɔ̈m, abïk yïn gɛɛu cil, ku yɛn bï lupɔɔ yɔ̈ɔ̈t bei në yïkɔ̈u ku ja ke tɔ woi yïn ke yï cï kɔ̈u lupɔ.

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 16:57

ku wään kën ë karɛc yak looi kɔn nyuöth kɔc? Ënɔɔnë wek cï ciët yen, we ye bui gup në kɔc ke Edom, ku kɔc ke Pilithiin, ku kɔckuön kɔ̈k thiääk ë week, kɔc man week.

Edhekiɛl 23:22

“Ënɔɔnë, Oɣoliba, kë cä lueel kï yɛn Bɛ̈nydït Awärjäŋ kë lɛ̈k yïn. Yïn cï bäp në ee röörkuön nhiaarë, ku abä ke tɔ göth në yïn, ku bɛ̈ɛ̈i keek bïk yïn bɛ̈n gɛɛu cil.

Edhekiɛl 23:25

Në biäk rac ɛn piɔ̈u wo week, abä keek tɔ ceŋ week në agönhden. Abïk week tɛm wuum ku weyïth, ku näkkï wɛ̈ɛ̈tkun ku duetkun. Ɣɛɛ, abïk wɛ̈ɛ̈tkun ku duetkun jɔt ku lek keek nyop ke ke pïïr.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Nyuuth 17:16

Ku tuŋ kathiëër wën cï tïŋ ë lɛ̈n rac nɔm, kek abïk akɔɔrröör maan guöp, ku tɔkï kuany nyin, ku cïn kɔ̈u lupɔ, ku abïk rïïŋde cuet, ku nyopkï ë mac.