Edhekiɛl 16:21 - JAM DE NHIALIC 2011

²¹ ke yï cïï mïthkï jɔt ku lɔɔr keek gäm yiëth ke ke ye miɔ̈c?

Edhekiɛl 16:21 ပူးပေါင်းရင်းမြစ်များ

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

Diɛt 106:37

Ayek wɛ̈ɛ̈tken ku duetken gam ke ee miɔ̈c de yiëth ke Kanaan.

Bɛ̈n 13:2

“Gämë Yɛn mɛnh kɛ̈ɛ̈i ëbɛ̈n. Mïth kɛ̈i ke Yithriɛl kedhie, ayï kɛ̈i ke ɣɔ̈kken ayek kakï.”

Jeremia 19:5

ku acïk yïk yiëk Baal, në biäk bïï kek mïthken gam ke ke ye miɔ̈c ye nyop ëbɛ̈n këde Baal. Akɛ̈n ke kɔn yɔ̈ɔ̈k bïk ee kënë looi, akën kɔn lɔ ë yanɔm aya.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.