Edhekiɛl 16:19 - JAM DE NHIALIC 2011

¹⁹ Yïn cä gäm kuïn piɛth, ku miök de olip, ku miök de kiëc, ku acï ke lɔ gam ke ke ye miɔ̈c, ago yiëth piɔ̈ɔ̈th miɛt në yïn.” Kënë lueel Bɛ̈nydït Awärjäŋ kï.

Edhekiɛl 16:19 ပူးပေါင်းရင်းမြစ်များ

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Jeremia 3:24

Ku läm de Baal yanh de guöp ayäär, acï thökkuɔ ku ɣɔ̈kkuɔ, ku wɛ̈ɛ̈tku ku duetkuɔ, ku këriëëcda ëbɛ̈n ka cïï kuarkuɔ looi thɛɛr tɔ mär.

Edhekiɛl 16:13

Ku yïn de nɔm joth ke adhääp ku ateek, ku yïn ee lupɔɔ cï cuëëc në alɛɛth ke lupɔ piɛth lɔ mot ku lupɔ lɔ riauriau cieŋ. Ku yïn ee cam në kuïn cï pam cï looi në aɣar lɛ̈k de yic miök de kiëc ku miök de olip. Dikdu aa riau, ago jɔ aa tiiŋ melik.

Edhekiɛl 16:18

Yïn cï lupɔɔ cï cuëëc wään cä gäm yïn nööm ku tääuwë keek në kakuön cï cuëëcë kɔ̈ɔ̈th, ku gämë keek miök de olip, ku wal ŋïr wään cä gäm yïn, ke ye miɔ̈c.

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.