Edhekiɛl 16:13 - JAM DE NHIALIC 2011

¹³ Ku yïn de nɔm joth ke adhääp ku ateek, ku yïn ee lupɔɔ cï cuëëc në alɛɛth ke lupɔ piɛth lɔ mot ku lupɔ lɔ riauriau cieŋ. Ku yïn ee cam në kuïn cï pam cï looi në aɣar lɛ̈k de yic miök de kiëc ku miök de olip. Dikdu aa riau, ago jɔ aa tiiŋ melik.

Edhekiɛl 16:13 ပူးပေါင်းရင်းမြစ်များ

Cäk 17:6

Ku yïn bä tɔ kɛɛr aläl, ku gäm yïn juöör juëc. Ku kɔ̈k në keyiic abïk aa meliik. Yïn bï nɔm dɛ mïth juëc aläl ka bïk aa juöör.

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

Edhr 4:20

Ku Jeruthalem aa mɛc Meliik ril, kɔc ɣɔn mac piny tɔ̈u ë wɛ̈ɛ̈r ë Yuparat lɔŋ tui, ku yek athölbö kut ëbɛ̈n.

Edhr 5:11

“Ku kën ë pukkï nɔm wook kï an, ‘Wok ee lïïm ke Nhialic de paannhial ku piny, ku wok be ɣöt yïk, Luaŋdït cï kɔn yïk thɛɛr në Melik dïït de Yithriɛl ku thöl.

Jop 29:6

të ɣɔn ye awuulkiën ke dëk wat ë ca, ku ye tiɔɔmdï kuëër në miök,

Diɛt 147:14

Ee Yen akɛɛthkun gël bïk tɔ̈u ke cïn riɔ̈ɔ̈c, ku tɔ week kueth në agamɔ piɛth.

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 50:2

Nhialic ee riau në Dhiɔn, läk de pänydït ee dikëdik.

Diɛt 81:16

Ku wek bä cääm në kuïn de agamɔ piɛth, ku ta week kueth në miök de kiëc.”

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Jeremia 13:20

Daaiyë Jeruthalem! Kɔc ke aterdu abïkï të lɔ rut! Tɔ̈u kɔc ënou kɔc wään muk keek, kɔckuön wään ee yïn rɔt lɛɛc?

Dhiëëu 2:15

Kɔc tɛ̈ɛ̈k ë pänydït këc ayek yïn biɔɔn guöp të woi kek yïn. Ayek kenïïm bet ku dɔlkï riääk de Jeruthalem, an, “Ee yen pänydït lɛ̈kë ee kënë? Ee yen lɛc de piny nɔm ëbɛ̈n ee kënë?”

Edhekiɛl 16:10

Ku gäm yïn lupɔ cï kɔɔc ë ciin, ku gäm yïn war piɛth ke dël, ku lupɔ piɛth lɔ mot bïï yïn yïnɔm kum, ku lupɔ lɔ bilbil.

Edhekiɛl 16:17

Yïn cï atek ku kuɛɛt ke adhɛ̈p wään cä gäm yïn, nööm ku looi yïn ka cït gup röör ku jɔ niin we keek.

Edhekiɛl 16:19

Yïn cä gäm kuïn piɛth, ku miök de olip, ku miök de kiëc, ku acï ke lɔ gam ke ke ye miɔ̈c, ago yiëth piɔ̈ɔ̈th miɛt në yïn.” Kënë lueel Bɛ̈nydït Awärjäŋ kï.

Edhekiɛl 23:40

“Ayek tuc tooc aköölnyïïn kedhie, bïk kɔc lɔ cɔɔl në ɣään mec arëët, go röör aa bɛ̈n. Ayek duet ke raan tök kaarou ayek waak, ku jɔkï akuumkɛn ee ke gël nyïïn tääu kekë kuat de adhääp.

Edhekiɛl 27:16

Kɔc ke Thiriya ayek kakuön yak ɣaac ku ka yak keek looi ɣɔɔc. Ayek emerald, ku lupɔɔ amujuŋ, ku lupɔ cï cuëëc, ku linɔn läk, ku guët, ku ajibɔɔ, ku aluluut ɣɔɔc tëde week wɛɛr kek kakun.

Nyöŋ 8:8

piny ee luɔk agamɔ, ku barli, ku enap, ku ŋaap, ku pomegraneet, ku tiim ke olip, ku miök ë kiëc.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 12:12

Na ɣɔn tiëŋ wek Naɣac melik de Ammon ke kɔɔr bï wek yiɛ̈n tɔŋ, guɔkï Bɛ̈nydït rɛɛc ke ye melikdun ku lɛ̈kkï yɛn an ‘Wok kɔɔr melik bï wook aa wat.’