Edhekiɛl 14:8 - JAM DE NHIALIC 2011

⁸ Yɛn bï këde jɔ̈ɔ̈ny. Abä tɔ ee kë ye käŋ käär. Abä nyaai në amatnɔm de kɔckï yiic, aguɔkï jɔ ŋic nɔn ee yɛn Bɛ̈nydït.

Edhekiɛl 14:8 ပူးပေါင်းရင်းမြစ်များ

Diɛt 34:16

ku Bɛ̈nydït ee Yenɔm wɛ̈l kɔc ee kërac looi, ago ciɛ̈n raan bï ke bɛ tak ë piny nɔm, të cï kek thou.

Diɛt 34:17

Të cïï kɔc piɛthpiɔ̈ɔ̈th dhiau në Bɛ̈nydït nɔm ke ke kɔɔr kuɔɔny, aye Bɛ̈nydït piŋ, ku luɛ̈k keek bei në nuan cï keek yök yic.

Diɛt 37:22

Kɔc cïï Bɛ̈nydït thieei abïk piny lɔ̈ɔ̈k lak, ku kɔc cï ke cieen abïï ke cuɔp wei.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 21:10

Acä dhel nɔn cän ee pänydïïtë bï pɔ̈l, abä riɔ̈ɔ̈k. Abïï gäm melik de Babilonia, ku abïï nyuɔp piny. Acä lueel, Yɛn Bɛ̈nydït.”

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 29:22

Të ye kɔc wään cï jɔt ë Jeruthalem leerë ke Babilonia ke ke mac, të kɔɔr kek bïk raan cieen, abïk aa lueel an, ‘Nhialic abï yïn looi cï Dhedekia ku Aɣap, kɔc wään bïï ë melik de Babilonia ke nyok ke ke pïïr!’

Jeremia 44:11

“Ka Yɛn Bɛ̈nydït de rɛm, Nhialic de Yithriɛl, Yɛn bï rɔt pɔ̈k week ku riääk Juda ëbɛ̈n.

Edhekiɛl 13:23

Ka ënɔɔnë nyuuthkuön ke lueth, ku cäärduön de tör acïk wan. Yɛn kony kɔckï në riɛldun yic, aguɔkï jɔ ŋic nɔn ee yɛn Bɛ̈nydït.”

Edhekiɛl 15:7

abä keek luöi këtuc. Acïk poth në many tök thok, ku ënɔɔnë abï mac ke nyuɔp piny. Të lan ke lɔ luöi këtuc abäk ŋic nɔn ee yɛn Bɛ̈nydït.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Lebai 17:10

Raan baai de Yithriɛl ëbɛ̈n ayï alei bï rɛ̈ɛ̈r në keyiic, ku ee riɛm cam, Yɛn bï Yanyin wɛ̈l ee raanë, ku abä tɛ̈ɛ̈m bei në kɔckï yiic

Lebai 22:3

Në rɛm bï lɔ̈ɔ̈k bɛ̈n yiic, na lɔ mɛnh töŋ de guöp acuɔl ë käudu yic lɔ bɛ̈n ë miɔ̈c ɣeric cïï kɔc ke Yithriɛl yiɛ̈n Ɛn lɔ̈ɔ̈m, yen ee raanë, acïï bï bɛ lui në yïk nɔm, kënë abï aa looi në akööl bɔ̈ yiic kedhie. Ee Yɛn Bɛ̈nydït.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Kuɛ̈n 16:38

Acïk yiic ɣɛɛr të wën gëmë keek Bɛ̈nydït në yïk nɔm. Tɔ nöm abɔ̈c ke tool ke kɔc cï näk awänyden, ku thɔ̈ɔ̈th kek aduuk ke ye akum de yïk nɔm. Yen abï kɔc ke Yithriɛl jɔ aa jɔ̈ɔ̈ny ë ceŋ.

Kuɛ̈n 19:20

Ku raan de guöp acuɔl na kën waak, ka abï rëër ke cïï yic ɣer, në baŋ kënë ë pïïu ka aɣɛɛr wäl në yeguöp. Abï tëɣeric de Bɛ̈nydït riɔ̈ɔ̈k, ku acïï bï bɛ kuɛɛn në amatnɔm de Bɛ̈nydït yic.

Kuɛ̈n 26:10

Go piny rɔt liep, ku tuiic keek. Agokï thou në Kɔra ëtök kekë kɔc mät në yen, të ɣɔn riëëk ë mac bot kaarou ku thiërdhïc de raan. Ago thonden kɔc ke Yithriɛl jɔ aa täk nïïm.

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.

Nyöŋ 28:46

Kek abï aa nyuöth de kuöm bïï Nhialic week kuum ku mïth ke mïthkun aɣet athɛɛr.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.