Edhekiɛl 14:7 - JAM DE NHIALIC 2011

⁷ “Të cï raan töŋ de baai de Yithriɛl ku nɔn yen alen rɛ̈ɛ̈r piny de Yithriɛl, të cï yen rɔt yal wei në tëde yɛn ku lɛm yiëth, ku le be tiët lɔ luɔp, yɛn Bɛ̈nydït Awärjäŋ, yɛn bï lopde bɛ̈ɛ̈r!

Edhekiɛl 14:7 ပူးပေါင်းရင်းမြစ်များ

Bɛ̈n 12:48

Ku raan kënë cueel ë cïï këcamë ee cam. Na de raan lei cï bɛ̈n piɔ̈ɔ̈t wundun, ku kɔɔr nɔn bï yen dhuëëŋ në dhuëëŋ ë Winythok, door en Bɛ̈nydït, ke we kɔn röör ke baaide cueel kedhie. Ku ëtɛ̈ɛ̈n, abï jɔ aa raan de Yithriɛl, ku aduëër jɔ mɛt ë dhuëëŋic.

Bɛ̈n 20:10

Na kööl ye akööl dhorou, ee Thabath ë Bɛ̈nydït Nhialicdu. Du ee luui thïn, yïn wekë mïthku, ayï lïïmku, ayï kɔc lei rɛ̈ɛ̈r në yïn ayï läiku.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Edhekiɛl 3:20

“Na cï raan piɛth luɔi de piathëpiɔ̈u pɔ̈l ku looi karɛc, ku jɔ yen tääu tërac, abï thou të kën yïn en jɔ̈ɔ̈ny. Abï thou në biäk de karɛcke, yɛn cïï këpiɛth cï looi bï tak, ku yɛn bï gääk de thonde tääu në yïyeth.

Ɣodh 4:14

Duetkun acä keek bï luöi këtuc të le kek köör, kedhie ayï diëër ke wɛ̈ɛ̈tkun të le kek nööm. Në biäk ya wek diäär luui yiëth nööm ayadäŋ, week ë yiëthkun. Ku miackï yiëth në keek ëtök. Ka wek kɔc cï nïïm riääk wek bïï riɔ̈ɔ̈k!

Ɣodh 4:5

Ayek kɔ̈th aköl ku wakɔ̈u. Ku tït ke Nhialic akɔ̈thkï në keek ëtök. Ku mɔɔrdun Yithriɛl abä riɔ̈ɔ̈k.

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 20:2

an, “Jäämë kɔc ke Yithriɛl: an, ‘Raande Yithriɛl kedhie ayï kɔc lei rɛ̈ɛ̈r në weyiic kedhie, raan lɔ mɛnhde gäm bï näk Molek raanë abï dhil nɔ̈k, yen abïï kɔc ke wut dhil biɔ̈ɔ̈k ë kur.

Lebai 24:22

Kek ee lööŋ abäk keek luöi kɔc lei, ayï kɔc ë dhiëth ë weyiic. Ee Yɛn Bɛ̈nydït Nhialicdun.”

Kuɛ̈n 15:15

Kek ee lööŋkë abïk tɔ̈u në week, ku tɔ̈ukï në kɔc alɛi rɛ̈ɛ̈r në week anande. Week në keek wek thööŋ wedhie në Bɛ̈nydït nɔm.

Kuɛ̈n 15:29

Ku yen ee löŋë, yen abï ya löŋ de raan cï wäc ëbɛ̈n ke kuc në yepiɔ̈u, nɔn yen raan de Yithriɛl ku nɔn yen raanlɛn rɛ̈ɛ̈r ke keek.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

Juda 1:19

Kɔckë ee kɔc ee röt pöc bei, kɔc ee kepiɔ̈ɔ̈th tuöm ka ke piny, kɔc liiuwë Wëidït tëde keek.