Edhekiɛl 14:5 - JAM DE NHIALIC 2011

⁵ Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Edhekiɛl 14:5 ပူးပေါင်းရင်းမြစ်များ

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 2:5

Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 1:30

ayek kɔc ë kɔc cäk thook, kɔc man Nhialic, kɔc tät gup, röördït piɔ̈ɔ̈th, kɔc ee röt leec, kɔc ee cäp rac cak, kɔc ee ka ke kɔc ë dhiëth keek rɛɛc piŋ,

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Galatai 6:7

Duökï röt tɔ mɛthë, Nhialic acie dɔl guöp: të de yen kë com raan, ke yen abï tem aya.

Epethiei 4:18

kɔc col piɔ̈ɔ̈th ku liukï ë pïïr ë Nhialicic në biäk de kuny kuc kek käŋ, ku në riɛl ril kek nïïm,

Kolothai 1:21

Ku week, wek kɔc ɣɔn cï tɔ ye kɔc tei ku yak kɔc de piɔ̈ɔ̈th ater në yen në luɔiduön rac, we cï luöök në yen ënɔɔnë,

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.