Edhekiɛl 14:4 - JAM DE NHIALIC 2011

⁴ “Ënɔɔnë jam we keek ku lɛ̈kë keek kë cä lueel yɛn Bɛ̈nydït Awärjäŋ, alɛ̈k keek: Raan baai de Yithriɛl ëbɛ̈n, raan cï yepiɔ̈u gäm yiëth, ku tɔ keek wɛt en në rɛ̈ɛ̈cic, ku ee raan bɔ̈ tëde tiët bïï bɛ̈n luɔp, abï bëër ë lop yök tëde yɛn, bëër rɔ̈ŋ kekë yiëth juëcke!

Edhekiɛl 14:4 ပူးပေါင်းရင်းမြစ်များ

2 Mel 1:16

ku lëk en an, “Acï Bɛ̈nydït lueel an, ‘Në biäk cïï yïn tuuc tuɔɔc bïk Baaldhebub yanh de Ekeron lɔ luɔp, ee luɔi cïn en Nhialic nu në Yithriɛl duëër yïn wëlke luɔp? Në biäk de ee kënë, yïn cïï rɔt bï jɔt në biöŋ cï yïn lɔ në yenɔmë, yïn bï thou ë yic!”’

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 66:4

Ka yɛn bï riääk yiɛ̈n keek, kë wën ye kek riɔ̈ɔ̈c, në biäk cïn en raan ee ye puk nɔm të cɔ̈ɔ̈t ɛn, ku cïn raan pïŋ të jaam ɛn. Acïk reec reec kek ɛn lɔc ku loikï karɛc.”

Edhekiɛl 14:3

“Mɛnh ë raan, kɔckë acïk kepiɔ̈ɔ̈th gäm yiëth ku tɔkï yiëth wɛt keek në rɛ̈ɛ̈cic. Yek tak bä ke gäm këdɛn kɔɔrkï?

Edhekiɛl 14:6

“Ënɔɔnë, lɛ̈kë baai de Yithriɛl, kë luɛɛl yɛn Bɛ̈nydït Awärjäŋ: pɔ̈kkï we piɔ̈ɔ̈th ku pälkï yiëth rackun.

Edhekiɛl 14:7

“Të cï raan töŋ de baai de Yithriɛl ku nɔn yen alen rɛ̈ɛ̈r piny de Yithriɛl, të cï yen rɔt yal wei në tëde yɛn ku lɛm yiëth, ku le be tiët lɔ luɔp, yɛn Bɛ̈nydït Awärjäŋ, yɛn bï lopde bɛ̈ɛ̈r!

Edhekiɛl 2:7

Abä keek lɛ̈k këriëëc ëbɛ̈n bä lɛ̈k yïn an luel, na bïk piŋ ku nɔn cïkkï bï piŋ. Ŋic nɔn ye kek kɔc ril nïïm.

Edhekiɛl 3:4

Go Bɛ̈nydït ya yɔ̈ɔ̈k an, “Mɛnh ë raan lɔ tëde baai de Yithriɛl ku lɛ̈kë keek këriëëc cä lɛ̈k yïn ëbɛ̈n.

Edhekiɛl 44:12

Ku në biäk cïï kek läm de yiëthic luöi baai de Yithriɛl, ku në ee kueerë acïk kɔc lɛɛr në awäc yic, Yɛn cï kuëëŋ, Yɛn Bɛ̈nydït Awärjäŋ, në luɔi bïï ë keek dhil luöi këtuc.

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.