Edhekiɛl 14:20 - JAM DE NHIALIC 2011

²⁰ na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Edhekiɛl 14:20 ပူးပေါင်းရင်းမြစ်များ

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:16

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïkï wɛ̈ɛ̈tken ayï duetken duëër lëu në kuny. Ee wëiken kek abïk kony kapäc, ku piny abï aa jɔ̈ɔ̈r.

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:22

Karɛcke kedhie aye ke päl en, ku abï pïïr në biäk cïï yen piathëpiɔ̈u looi.

Edhekiɛl 3:19

Na ye raan ee karɛc looi jɔ̈ɔ̈ny ku acïï luɔi de karɛc päl, abï thou, ke ŋoot ke ye raan de guöp awɛ̈ɛ̈c, ku pïïrdu abï gël.”

Danyel 1:6

Ku kɔc ë lɔc keek ee yï Danyel, ku Ɣanania, ku Miciɛl, ku Adharia, raan wun ë Juda.

Ɣodh 10:12

Gɔ̈lkï röt duum ku cuömkï röt piathëpiɔ̈u, ke wek bï kakë nhiëër agɔk yök, ke cie luɔi rac. Në biäk ye kek akööl ke kɔ̈ɔ̈r kɔɔr ë Bɛ̈nydït, agut kööl bï Yen bɛ̈n, bï week bɛ̈n gäm athiɛɛi.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u: