Edhekiɛl 14:19 - JAM DE NHIALIC 2011

¹⁹ “Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:19 ပူးပေါင်းရင်းမြစ်များ

2 Tham 24:13

Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

2 Tham 24:15

Go Bɛ̈nydït jɔŋ näk kɔc tuöc kɔc ke Yithriɛl, gɔl ɣɔn amiäk rial ke näk aɣët të cï lueel bï en thök thïn. Aa gɔl nääk ë Dan lee Biirceba, abï aguum kathiërdhorou 70,000 de kɔc thou.

1 Mel 8:37

“Të cïï piny dɛk cɔk, ku nɔn ee jɔk yen kɔc dɔm, ku nɔn ee käm ee kɔ̈th riɔ̈ɔ̈k, ku nɔn ee yaak yen cïï piny yaak, ku nɔn cï kɔyɔm duum mak, ku nɔn ee atiääc, ku nɔn cï kɔc ke ater pänydït tuɔɔk ku nɔn ee riääk yen cï kɔc lɔ̈ny wut, ku nɔn ee jɔɔk kith yiic.

2 Lëk 20:9

na de riääk cï tuöl tëde keek, cït man ë tɔŋ, ku juäi, ku nɔn ee cɔk, ka aduëërkï bɛ̈n, bïk bɛ̈n kɔ̈ɔ̈c ë Luaŋdït nɔm, të ye ë yïn lɔ̈ŋ thïn. Aduëërkï yïn lɔ̈ŋ në kadhal keek, ku yïn duëër jamden piŋ ku kony keek.

2 Lëk 6:28

“Ku të de yen cɔk, ku nɔn ee yen juäi, ku nɔn de yen kë cï rap riɔ̈ɔ̈k, ku nɔn ee yom rac, ku nɔn yen kɔyɔm, ku nɔn cïï kɔc ke ater keek mak në wuötken yiic, ku nɔn yen riäŋ cï keek yök, ku nɔn ee juän cï keek dɔm,

2 Lëk 7:13

Të cän deŋ tɔ kääc nhial, ku cä we tuöc kɔyɔm bïï rɛɛpkun bɛ̈n riɔ̈ɔ̈k, ku nɔn ee juäi yen cä tuöc kɔckï,

Diɛt 91:3

Abï yïn aa gël në kajuëc rac cï thiaan ku jɔɔk juëc tuc thook.

Diɛt 91:6

ku nɔn ee jɔɔk tuc ee bɛ̈n ë mɔ̈ɔ̈thic, ayï jɔɔk ee näk aköl.

Yith 34:3

Gupken acï ke bï tɔ̈ɔ̈u, abïk dhɔt piny ke ke cï nhiany ku thiäŋkï piny në aŋuäc, ku kur abïk nïïm aa thiir ëbɛ̈n ë riɛm.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 21:6

Ku Yɛn bï ka pïïr ceŋ ee pänydïïtë nɔ̈k kedhie, kɔc ku läi, abïk thou kedhie ë jɔɔk tuc thook.

Jeremia 21:9

Raan bï rëër në ee pinydïïtë yic abï thou në abätäu, ku cɔk ku në jɔk, ku raan bï lɔ biic ku lee rɔt gäm kɔc ke Babilonia, kɔc cï pänydït tuɔɔk ënɔɔnë, acïï bï nɔ̈k, abïk ban në wëiken.

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Edhekiɛl 14:18

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny, ayï mïthken, ee wëiken kapäc.

Edhekiɛl 14:20

na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 36:18

Abä ke tɔ yök tuöc de agönhdï thok, në biäk de kɔc wään cïk nɔ̈k pinyde Yithriɛl, ku në biäk de yiëth wään cï kek ye dhiöök.

Edhekiɛl 38:22

Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Kuɛ̈n 14:12

Abä keek thöl në jɔɔk tuc thook, ku riääk keek. Ku yɛn bï jur dït arëët gɔl në yïn, jur riil wär keek.

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.