Edhekiɛl 14:16 - JAM DE NHIALIC 2011

¹⁶ ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïkï wɛ̈ɛ̈tken ayï duetken duëër lëu në kuny. Ee wëiken kek abïk kony kapäc, ku piny abï aa jɔ̈ɔ̈r.

Edhekiɛl 14:16 ပူးပေါင်းရင်းမြစ်များ

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Jop 22:20

ayek lueel an, kɔc ke aterda acïk ke riɔ̈ɔ̈r nyïïn ku kakɛn cï döŋ acïk ke nyuɔp piny.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:18

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny, ayï mïthken, ee wëiken kapäc.

Edhekiɛl 14:20

na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Luɔi 27:24

ku jɔ lueel an, ‘Du riɔ̈c, Paulo, yïn bï dhil lɛɛr ë Kaithar nɔm. Ku tïŋ, Nhialic acï yï gäm pïïr pïïrë kɔc cath wek kedhie ayadäŋ.’

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.