Edhekiɛl 14:14 - JAM DE NHIALIC 2011

¹⁴ Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:14 ပူးပေါင်းရင်းမြစ်များ

Cäk 6:8

Ku Bɛ̈nydït aa mit piɔ̈u ke Nowa.

Cäk 7:1

Go Bɛ̈nydït lɛ̈k Nowa an, “Lɔ abëlic wekë baaidu, yïn cä tïŋ nɔn yïn raan töŋ piɛth piɔ̈u, raan cï ya luɔi yith në kɔc ke piny nɔmiic ëbɛ̈n.

1 Lëk 1:4

Lamek ɣɔn ee wun Nowa. Nowa ade nɔm wɛ̈ɛ̈tke kadiäk yï: Cem, ku Ɣam, ku Japeth

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Kɛ̈ŋ 11:4

Kuɛth acïn kony në kööl ë agɔ̈th, ee piathëpiɔ̈u yen ee raan kony wëi në thuɔɔu.

Jeremia 11:14

Ka yïn Jeremia, du läŋ ë biäk ee kɔckë, ku du ya läŋ ë biäkden. Të le kek nuan lɔ yök ku cɔlkï Yɛn bä ke kony, Yɛn cïï bï piŋ.”

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 7:16

Go Bɛ̈nydït lueel an, “Du läŋ në biäk ee kɔckë Jeremia. Du dhiau, ku du läŋ në biäkden, du jam we Yɛn, në luöi cän këdu bï gam.

Edhekiɛl 14:16

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïkï wɛ̈ɛ̈tken ayï duetken duëër lëu në kuny. Ee wëiken kek abïk kony kapäc, ku piny abï aa jɔ̈ɔ̈r.

Edhekiɛl 14:18

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny, ayï mïthken, ee wëiken kapäc.

Edhekiɛl 14:20

na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Edhekiɛl 16:18

Yïn cï lupɔɔ cï cuëëc wään cä gäm yïn nööm ku tääuwë keek në kakuön cï cuëëcë kɔ̈ɔ̈th, ku gämë keek miök de olip, ku wal ŋïr wään cä gäm yïn, ke ye miɔ̈c.

Edhekiɛl 16:20

“Na wën ke yï jɔt mïth wɛ̈t ku duet cï dhiëth ɛn, ku lɔ ke gam ke ke ye miɔ̈c näk de yiëth. Ë cïï rac arëët luɔi cïï yïn adöt tëde yɛn,

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 28:3

Aye tak nɔn pel yïn nɔm awär Danyel, ku acïn këcïmoony duëërë thiaan në yïn.

Edhekiɛl 3:19

Na ye raan ee karɛc looi jɔ̈ɔ̈ny ku acïï luɔi de karɛc päl, abï thou, ke ŋoot ke ye raan de guöp awɛ̈ɛ̈c, ku pïïrdu abï gël.”

Danyel 1:6

Ku kɔc ë lɔc keek ee yï Danyel, ku Ɣanania, ku Miciɛl, ku Adharia, raan wun ë Juda.

Danyel 10:11

Go tunynhial ya yɔ̈ɔ̈k an, “Danyel, Nhialic anhiaar yïn, jɔt rɔt ku piŋ kë lɛ̈k yïn apiɛth. Yɛn cï tuöc yïn. Wën cï yen ee kënë lueel, yɛn cï rɔt jɔt, ku ŋuɔɔt ke ya lɛthë.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Danyel 9:23

Të wään gɔl yïn jam wek ë Nhialic, Nhialic acï lɔ̈ŋdu piŋ, Anhiaar yïn, ka yɛn aa bɔ̈ bä yïn bɛ̈n lɛ̈k jamde. Ka ënɔɔnë jɔ rɔt kiɛm piny të waar ɛn nyuuth yic.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,