Edhekiɛl 14:13 - JAM DE NHIALIC 2011

¹³ “Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 14:13 ပူးပေါင်းရင်းမြစ်များ

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Jeremia 32:43

Aye kɔc lueel an pinyë abï ciët jɔ̈ɔ̈r të cïn kɔc ku läi ee ceŋ thïn, ku an bïï gäm kɔc ke Babilonia. Ku duum abïï ke bɛ aa ɣɔɔc thïn.

Jeremia 36:29

Go ë Bɛ̈nydït lɛ̈k Jeremia bï lɔ lɛ̈k melik an, “Yïn cï awerek nyop, ku yïn cï Jeremia luɔp an eeŋö gɛ̈ɛ̈r en en nɔn bïï melik de Babilonia bɛ̈n ku riëëk ee pinyë, ku nɛ̈k kɔckë ku läike.

Jeremia 52:6

Ku në kööl de dhoŋuan, në pɛɛi de ŋuan në ye ruöön manë yic, wään cïï cɔk jɔ dït, ka kɔc acïk ciën kë ciɛmkï,

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Edhekiɛl 14:12

Go jam de Bɛ̈nydït bɛ̈n tëde yɛn an:

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 14:19

“Na tuɔɔc jɔk ee pinyë, ku jat wëi ke kɔc juëc në agönhdï, näk kɔc ku läi,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 15:8

Acïkï ye adööt tëde Yɛn, ka yɛn bï piny tɔ ye jɔ̈ɔ̈r.” Bɛ̈nydït Awärjäŋ yen aa jam.

Edhekiɛl 20:27

Ku ënɔɔnë mɛnh ë raan lɛ̈kë baai de Yithriɛl, kë bä lɛ̈k keek yɛn Bɛ̈nydït Awärjäŋ lɛ̈k keek: Kënë ee kueer däŋ cïï kuarken a läät në ciɛ̈n adötden.

Edhekiɛl 25:13

Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Edhekiɛl 4:16

Go bɛ lueel an, “Mɛnh ë raan, Yɛn lɔ kueer ee kacaam bɛ̈ɛ̈i Jeruthalem teem kɔ̈u. Kɔc tɔ̈u ëtɛ̈ɛ̈n abïk piɔ̈ɔ̈th jiɛth ku diɛɛrkï të le kek kuïn camkï aa them, ku themkï pïïu yek dek.

Edhekiɛl 5:16

Yɛn bï kueer ye kacaamkun bɛ̈n thïn thiöök thok, ku ta we nɛ̈k cɔk. Wek bï arɛɛm de cɔk yök abäk ciët ka cï tuöc wiɛth ke dhaŋ lɔ we riɔ̈ɔ̈k.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Danyel 9:5

“Wok cï karɛc looi, wok ee kɔc rac, wok cï wäc. Wok cï kë cï lɛ̈k wook an, loiku rɛɛc, ku yɛlku röt wei në lööŋ ku wëët piɛth cï nyuöth wook.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.