Edhekiɛl 13:9 - JAM DE NHIALIC 2011

⁹ Wek bä luöi këtuc ee nïnkë yiic, wek tït ee nyuuth ë lueth, ku yak cɔ̈ɔ̈r në tör. Wek cïï bï tɔ̈u në amat de löŋ ë kɔckï yiic, ku rinkun acïï ke bï mat në kuën de baai de Yithriɛl yic, wek cïï röt bï puɔ̈k piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.

Edhekiɛl 13:9 ပူးပေါင်းရင်းမြစ်များ

1 Mel 13:18

Go tiët cï dhiɔp e yɔ̈ɔ̈k an, “Yɛn ayadäŋ yɛn ee tiët ë Nhialic cït yïn, ku tunynhial ë jam ke yɛn në löŋ ë Bɛ̈nydït, lueel an bäkkï ciëën we yen baaidu, ke bï bɛ̈n cam në kuïn ku bï dek ë pïïu.” Ku aaye lueth en cï tɔ̈ɔ̈r en.

Edhr 2:59

Ku ka bɔ̈yë ee rin ke kɔc ɣɔn bɔ̈ në Tel Mela, ku Tel Ɣarca, ku Kerup, ku Adan ku Yimer. Dhiën ë Delaya, ku dhiën ë Tobia, ku dhiën ë Nekoda, ayek bot kadhetem ku thiërdhïc ku rou 652, ku akënkï lëu në nyuöth nyooth kek tën ë jël ë kuɛɛrëden thar thïn, nɔn ye kek käu de kɔc ke Yithriɛl.

Diɛt 101:7

Acïn aluenh bï rëër ɣöndiën ë bääny, ku acïn raan de yic aguk bï tɔ̈u ë yalɔ̈ɔ̈m.

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Diɛt 69:5

Nhialic, karɛckï, akënë ke thiaan ee Yïnyin, Yïn ŋic dhɔ̈ɔ̈n cän dhɔ̈n.

Diɛt 87:6

Bɛ̈nydït abï kuën de kɔc gɔ̈ɔ̈r ku abï keek mat në kɔc ceŋ Jeruthalem yic kedhie.

Diɛt 95:11

Yɛn aa cï göth ku kuɛ̈ɛ̈ŋ an: ‘Wek cïï bï lɔ piny bän week gäm lɔ̈ŋ thïn.”’

Yith 4:3

Raan ëbɛ̈n raan cï nyääŋ Dhiɔn, ku cï döŋ Jeruthalem, kɔc cï Nhialic tɔ döŋ ke ke pïïr, abï ke aa cɔɔl an, “Kɔc ɣeriic.

Jeremia 14:15

Yɛn Bɛ̈nydït, yïn bä lɛ̈k kë bä luöi ee tïtkë, tït kɛ̈n ke tooc, ku yek lɔ jam ë rinkï ku yek lueel an, tɔŋ ku cɔk acïï piny bï yök. Abä keek nɔ̈k në abätäu ku në cɔk.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 23:20

ku acïï bï kɔ̈ɔ̈c agut të bï yen kë kɔɔr bïï looi kɔn looi. Ku në akööl bï bɛ̈në kɔcke abïk ee kënë yökic apiɛth.”

Jeremia 4:9

Go Bɛ̈nydït lueel an, “Në ye köölë, meliik ku bäny, abïk piɔ̈ɔ̈th bäp, ku bäny ke kake Nhialic abïk päu, ku gäi tït.”

Edhekiɛl 11:10

ka wek bï nɔ̈k në tɔŋic pinydun. Ku ëtɛ̈ɛ̈n abïï raan ëbɛ̈n ŋic nɔn ee yɛn Bɛ̈nydït.

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 13:14

Akaar bä pänydɛn cïk rɔɔth kɔ̈u në kïn ɣer jäp piny, ku riäär piny, ku nyääŋ kur ke këërkëër piny kapäc. Abï löny ku nɛ̈k week wedhie. Ëtɛ̈ɛ̈n abïï ë raan ëbɛ̈n jɔ ŋic nɔn ee yɛn Bɛ̈nydït.

Edhekiɛl 13:23

Ka ënɔɔnë nyuuthkuön ke lueth, ku cäärduön de tör acïk wan. Yɛn kony kɔckï në riɛldun yic, aguɔkï jɔ ŋic nɔn ee yɛn Bɛ̈nydït.”

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Ɣodh 4:5

Ayek kɔ̈th aköl ku wakɔ̈u. Ku tït ke Nhialic akɔ̈thkï në keek ëtök. Ku mɔɔrdun Yithriɛl abä riɔ̈ɔ̈k.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Maika 3:6

Në biäk de ee kënë, akööl abïkï, akööl bï yiic ciën nyuuth, ku mɔ̈ɔ̈th cïnic cäär. Aköl de tït abï lɔ piny, ku akölden abï rɔt puk aye mɔ̈ɔ̈th.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.