Edhekiɛl 13:5 - JAM DE NHIALIC 2011

⁵ Acïkï ɣään wën cï riääk në päny kɔ̈u ee tiit, ku cïkï päny cï riääk cak yïk aya, ka baai de Yithriɛl acïï ke bï gël të le ë tɔŋ bɛ̈n në kööl de bɛ̈n ë Bɛ̈nydït.

Edhekiɛl 13:5 ပူးပေါင်းရင်းမြစ်များ

Jop 40:9

Yïn riɛlë cï Yɛn, Duëërë röl ciët rel ë deŋ cït man ë Yɛn.

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Diɛt 76:7

Ku Yïn Nhialic, Yïn ye kɔc riɔ̈ɔ̈c kedhie. Acïn raan duëër kɔ̈ɔ̈c në Yïlɔ̈ɔ̈m të cïï Yïn gɔ̈th.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 13:9

Kööl ë Bɛ̈nydït abɔ̈, ee kööl de tuöcdɛn cï Yen gɔ̈th arëët ku ŋeeny arëët. Piny abï aa jɔ̈ɔ̈ric ku raan ee kërac looi ëbɛ̈n abï riɔ̈ɔ̈k.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 27:4

Yɛn cïï be gɔ̈th wökë dom de tiim. Na de kuɔɔth ku thil göth ë yen, aduëër keek nyuɔp piny në mac.

Yith 34:8

Yen kööl bïï Bɛ̈nydït Dhiɔn luök ka, ku guur në kɔc de ater ke yen.

Yith 58:12

Kɔcku abïk kë ɣɔn cï riɔ̈ɔ̈k nyɔk në yïk, nyɔkkï yïk në këërkëër thɛɛric. Wek bï ŋic ke we ye kɔc ee pɛ̈ɛ̈ny nyɔk në yïk, kɔc ee ɣööt cï riɔ̈ɔ̈k bɛ tɔ kääc.”

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Jeremia 27:18

Na yek tït ë yic, ku na cath jam de Nhialic ke keek, ke takkï keek läŋ Bɛ̈nydït de rɛm, ke cïï wëu cï döŋ ë Luaŋdïtic ku ke cï döŋ ë ɣön ë bäänyic, ku ka nu ë Jeruthalem, ke ke cïï bï lɛɛr Babilonia.”

Edhekiɛl 13:4

Kɔc ke Yithriɛl tïtkun, acïnkï naamden, ka acïtkï awɛn ceŋ pänydïït cï riääk.

Edhekiɛl 22:30

Yɛn kɔɔr raan duëër kal yïk, raan duëër kɔ̈ɔ̈c të cï riääk në kal kɔ̈u, ku bïï piny gël të cïï agönhdï thiɔ̈k ke luɔi riëëk en en, ku acïn raan cä bɛ̈n yök.

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 7:19

Abïk Adhɛ̈pken ku atekken cuat wei në kuɛɛr yiic, cï ka rɛɛc, në biäk cïï atekken ku adhɛ̈pken, keek bï kony të le Bɛ̈nydït agönh de wäl piny. Acïn kë bïk looi në yen bïï ke kueth në ka kɔɔrkï, ku nɔn thiëëŋ kek keyiic. Adhääp ku ateek acï keek lɛɛr awɛ̈ɛ̈c yiic.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:1

Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:14

Kuut dïït ë kɔc ë guëër ëbɛ̈n në wak de tɛ̈m ë löŋic. Në luɔi cïï kööl ë Bɛ̈nydït thiɔ̈k në wak ë tɛ̈m ë löŋic.

Malakai 1:9

Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Malakai 4:5

Të ŋoot ë kööldïït ë Bɛ̈nydït wei, kööl tuc thok, wek bä tuöc tiët Elija.

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 6:17

kööldïït ë agönhdɛn dït acï guɔ ɣëët, ku eeŋa duëër kɔ̈ɔ̈c lëu?”

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.