Edhekiɛl 13:3 - JAM DE NHIALIC 2011

³ Kë lueel ë Bɛ̈nydït Awärjäŋ kï: “Amawoou në tït piɔlpiɔ̈ɔ̈thkë abïk riääk! Ayek röt thiɔ̈ɔ̈ŋ ë wëiken kapäc, ku jɔkï nyuuthken cak.

Edhekiɛl 13:3 ပူးပေါင်းရင်းမြစ်များ

Kɛ̈ŋ 15:14

Wëët de kɔc pelnïïm acie guut, ee kɔc piɔl piɔ̈ɔ̈th kek ee pëk në pial ë piɔ̈ndenic.

Kɛ̈ŋ 15:2

Jam de ŋïnydekäŋ ë raan pel nɔm ee kɔc diir, ku thuäär kɔc piɔl piɔ̈ɔ̈th thook në wël cïn naamden.

Jeremia 23:1

Acï Bɛ̈nydït lueel an amawoou në bäny cï kɔc ke Bɛ̈nydït riɔ̈ɔ̈k ku thiɛ̈ikï keek piny!

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 23:9

Piɔ̈ndï acï dhuɔɔŋ, ku yɛn lɛthë. Në biäk de Bɛ̈nydït, ku në biäk de Jamdɛn ɣeric, yɛn cï ciët raan cï wiɛɛt, raan cï dek ë mɔ̈u arëët.

Jeremia 28:15

Go tiët Jeremia lɛ̈k Ɣanania an, “Piëŋë Ɣanania! Bɛ̈nydït akën yïn tooc, ku yïn tɔ kɔckë gam lueth.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 13:18

ku lɛ̈kë keek kë lëk ë Bɛ̈nydït Awärjäŋ keek: “Amawoou në week diäär! Wek ee kɔc kɔ̈c yiëth, ku luɔikï akuup yaath bï ë kɔc ke ceŋ ë kenïïm, agokï nïïm dɛ riɛl në pïïr de kɔc kɔ̈k yiic. Wek kɔɔr bäk nïïm dɛ riɛl në pïïr ku thon de kɔckï yiic, aguɔkï ke jɔ luööi në biäk de piathdun.

Edhekiɛl 13:4

Kɔc ke Yithriɛl tïtkun, acïnkï naamden, ka acïtkï awɛn ceŋ pänydïït cï riääk.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Dhek 11:15

Na wën, go ë Bɛ̈nydït lɛ̈k ɛn an, ‘Be rɔt tɔ ye tïn cïn naamde.

Luk 11:40

Wek dhän! Aciëŋ ë cäk kë nu biic, kën kë nu thïn cak aya?

Luk 11:52

“Amawoou në week, wek bäny ke löŋ! Wek cï gäärgäär de ŋïnydekäŋ jɔt, wegup wek kën lɔ ɣöt, ku kɔc wën an, lek ɣöt, acäk ke pëën!”

1 Kor 9:16

Na ya cak wëlpiɛth aa guiir, ke yɛn cïn nɔm ke bän rɔt leec, yɛn cï mac thok, an, bä wëlpiɛth dhil aa guiir, yeka, amawoou në yɛn, të cän wëlpiɛth ee guiir.

1 Tim 6:4

ka ye rɔt tɔ dït, acïn kë ŋic, ku ye raan ee jiɛɛm wei në thiëc ɣɔ̈ric ku teer ë wël, ku jam cït ee kënë ee tiɛɛl bɛ̈ɛ̈i, ku bïï ater ku lɛ̈ɛ̈t, ku meek rɛɛc ee kɔc kenyïïn mɛɛk,

2Tim 3:9

Ku acïkï bï bɛ lɔ tueŋ: cïn cïn kek nïïm abï tïc ë kɔc nïïm kedhie, acït man ɣɔn tïc ë cïn cïnë kɔckë nïïm aya.