Edhekiɛl 13:19 - JAM DE NHIALIC 2011

¹⁹ Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 13:19 ပူးပေါင်းရင်းမြစ်များ

Kɛ̈ŋ 17:15

Päl de raan de guöp awäc ku kuöm de raan cïn kë cï looi, amɛɛn Bɛ̈nydït keek.

Kɛ̈ŋ 19:27

Mɛnhdï, mälë në pïŋ de jiëëm, ke cïn kë bä bɛ ŋic.

Kɛ̈ŋ 28:21

Kuëëny de kɔc yiic acïï piath, ku kɔ̈k ayek lɔ në awäcic në ariöp de ŋuëny töŋ de kuïn.

Yith 5:20

Amawoou në week! Kɔc ee kërac cɔɔl an ee këpiɛth, ku këpiɛth an ee kërac. Ku pɔ̈kkï mɔ̈ɔ̈th ke ye ɣɛɛr, ku takï ɣɛɛr ë mɔ̈ɔ̈th. Ku takï këkec ë këŋar, ku ye këŋar këkec.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Edhekiɛl 13:20

Ënɔɔnë kë lueel Bɛ̈nydït Awärjäŋ kï: “Yɛn man kakuön yak ruök në wecin, gɛ̈l wek röt në pïïr ku thuɔɔu. Abä keek tuɛ̈ny bei në wecin, ku gäm kɔc cäk keek duut nɔm lääu.

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Edhekiɛl 22:25

Bäny acïk ciët kɔ̈ɔ̈r kïïu ë läi cïk nɔ̈k kɔ̈ɔ̈th. Ayek kɔc nɔ̈k, ku nömkï wëu kedhie, ku kakɛn cïk yök, ku në nääkdɛn ye kek kɔc nɔ̈k acïk diëër abɛɛr juëc nyääŋ piny.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Romai 14:15

Të cï mɛnhkui piɔ̈u diu në baŋ de rïïŋduön ë cuet, ke yïn cïï be rëër ë rëër ë nhiëër. Du raan riäk në rïïŋduön ë cuet, raan wään thouwë Kërtho në biäkde.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

1 Kor 8:11

Ku në ŋïnyduön ë käŋ, bï mɛnhkui kɔ̈c määr, mɛnh cï Kërtho thou në baŋde?

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

1 Tham 9:7

Ago Thaulo lɛ̈k lïm an, “Na lok lɔ eeŋö buk gäm en? Këcam tɔ̈u në atheepkuɔ yiic acïk thök. Wok cïn nïïm miɔ̈c buk lɔ gäm raan de Nhialic. Eeŋö tɔ̈u tëde wook?”