Edhekiɛl 13:13 - JAM DE NHIALIC 2011

¹³ Ënɔɔnë kë lueel ë Bɛ̈nydït Awärjäŋ kï: “Në agönhdï yɛn bï yom dït tuɔɔc, ku wäl deŋ piny, ku deŋ kɔi ke ke bï päny jäp piny.

Edhekiɛl 13:13 ပူးပေါင်းရင်းမြစ်များ

Jop 38:22

De të cï yïn kɔn keny ɣön wën yan pïïu cï rɔ̈k, ku pïïu ke kɔi tɔ̈ɔ̈u thïn?

Jop 38:23

Aya keek tɔ̈ɔ̈u tiɛɛt ɛn ke nuan, ku akööl ke thɔ̈ɔ̈r, ku tɔɔŋ.

Diɛt 105:32

Ago amaŋdït kekë wilëdeŋ tuöc paanden, në nyin ë deŋ,

Diɛt 107:25

Bɛ̈nydït ë löŋ lueel, go amaŋdït rɔt gap nhial, ku tɔ apiök ke wɛ̈ɛ̈r lɔ jäŋjäŋ.

Diɛt 148:8

Wek yï wïl ë deŋ ku deŋ ë kɔi ku luäät. Ku yomdïït ee jamde piŋ.

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Jeremia 23:19

Agönhde ee amaŋdït, ee yomdïït bï lööny ë kɔc ee karɛc looi nïïm,

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:3

Acï riɛl de Yithriɛl ëbɛ̈n dhuɔŋ piny në agönhdɛn tuc. Akën keek kony wën cïï kɔc ke aterden bɛ̈n. Acï yenyin wël wook në agönh cït many dɛ̈p nyop këriëëc ëbɛ̈n.

Dhiëëu 2:4

Acï wiɛth ke dhɛ̈ŋkë wël nɔm wook cï raan de ater. Acï kɔc ee wook miët piɔ̈ɔ̈th ku kɔc ee wook tɔ lɔ piɔ̈ɔ̈th yum nɔ̈k kedhie. Wok cï atuöc de agönhde yök ë nyan de Dhiɔn yic eenë.

Edhekiɛl 1:4

Na wën aa tiëŋ tënhial, ke ya tïŋ amaŋdïït e yom ke bɔ̈ në biäk të lɔ rut. Ke ye wil ë biliny në luändïtic, ku tënhial nu ë yelɔ̈ɔ̈m aa lɔ biɔ̈rbiɔ̈r. Ku të ye mac lɔ bilinyë, ade kë ee riau ke cït Maläŋ.

Edhekiɛl 13:12

Päny abï wïïk, ku raan ëbɛ̈n abï week thiëëc an, ee piath ŋö rɔɔth ë yekɔ̈u në kïn ɣer.”

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Jona 1:4

Na wën ke Bɛ̈nydït ë tɔ yom dït agök tuk rɔt në wɛ̈ɛ̈ric, man abï amaŋ abël wïïr duɛ̈ɛ̈r tɔ cït kë bï dhuɔɔŋ.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 8:7

Go tunynhial tueŋ kaaŋde kooth, na wën ke kɔɔi de deŋ bɔ̈, kekë mɛ̈c cï liääp ë riɛm, ku cuɛtë keek ë piny nɔm: go baŋ töŋ de piny nɔm lɔ kuith piny ë nyop, baŋ töŋ wën ee kek diäk, ayï baŋ töŋ de tiim, ku lɔ wɛ̈ɛ̈l tɔ̈c kuith piny ë nyop ëbɛ̈n.