Edhekiɛl 13:10 - JAM DE NHIALIC 2011

¹⁰ “Tït acïk kɔckï kuöc wat në kë ye kek e lueel an, piɛth käŋ ëbɛ̈n. Ee yic, käŋ acïkï piɛth ëbɛ̈n! Kɔckï acïk päny de kur cï dhiap yïk, ku jɔ tït bɛ̈n ku rɔthkï kɔ̈u në kïn ɣer.

Edhekiɛl 13:10 ပူးပေါင်းရင်းမြစ်များ

2 Mel 21:9

Ku akën ë kɔc ke Juda gam, go Manatha ke tɔ loi karɛc wär ka ɣɔn ye juöör ke looi, juöör ɣɔn bïï Bɛ̈nydït ke cuɔp wei në kenïïm.

2 Lëk 18:12

Ku ëtɛ̈ɛ̈n, tuny töŋ wën cï Mikaya lɔ diëc acï lɛ̈k Mikaya an, “Tït kɔ̈kkë kedhie acïk cɔ̈ɔ̈r në biäk de tiëm bïï melik lɔ tiam, ka yïn aŋuän bä lui cï keek.”

Kɛ̈ŋ 12:26

Raan piɛthpiɔ̈u ee määthke thɛl në kueer piɛth yic, ku aye raan ee karɛc looi ke mɔ̈ɔ̈r.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Yith 57:21

Aye Bɛ̈nydït lueel an, “Acïn të bïï ë kɔc awɛ̈ɛ̈c looi kony.”

Jeremia 14:13

Aguɔ jɔ lueel an, “Bɛ̈nydït Awärjäŋ, aŋic nɔn ye tït e lɛ̈k keek an, acïn tɔŋ bï nu, ku acïn cɔŋ bï nu, në biäk cï Yïn gutguut lueel, aye lueel an, ee mät yen bï nu ë piny yic.”

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 28:9

Ku tiët ee mät caar, abïï gam nɔn ee yen tiët ë tooc Nhialicë yic, të cïï ë kën ë cɛɛr ee tiëtë aa yic.”

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Jeremia 8:11

Ayek käŋ looi abï tëtöök ke kɔckï ciët piär baaŋ. Ayek lueel an, ‘Käŋ apiɛthkï.’ Ku acïn kamit nu.

Jeremia 8:15

Wok kɔɔr mät ku akööl ke dem, ku aa cïn naamde, ku riɔ̈ɔ̈cdït acï guɔ bɛ̈n.

Edhekiɛl 13:16

kek tït wään ee Jeruthalem yɔ̈ɔ̈k an piɛth käŋ ëbɛ̈n, ku käŋ aa ke cïï piɛth ëbɛ̈n!” Bɛ̈nydït Awärjäŋ yen aa jam.

Edhekiɛl 22:28

Tït ayek ee karɛckë moony cït man ye kɔc päny tɔc kɔ̈u në kïn ɣer. Ayek nyuuth lueth tïŋ, ku yek tör caar. Ayek lueel an guiirkï wël ke Awärjäŋ Bɛ̈nydït lueel, ku yɛn Bɛ̈nydït, yɛn kën jam wo keek.

Edhekiɛl 7:25

Mum ë nɔm abɔ̈. Wek bï mät kɔɔr ku acäkï bï yök.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

1 Tim 4:1

Acï Wëidït lueel në thoŋ bï kɔc piŋ an, ë kööl wadäŋ kɔc kɔ̈k abïk lööny wei ë gämic, ku jɔkï ka ke jɔɔk ë kɔc math piŋ, ku piŋkï wëët ë jɔɔk rac,

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

1 Jɔn 2:26

Ku kakë acä ke gäär week në këde kɔc ee week math.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.