Edhekiɛl 12:7 - JAM DE NHIALIC 2011

⁷ Yɛn cï kë cïï Bɛ̈nydït lɛ̈k ɛn looi. Në ye köölë yic yɛn cï kakï bɛ̈n duöt cï man ë raan kɔɔr tëde thiaan, na ɣɔn thëën të le ë piny ke col, guɔ päny wec kɔ̈u në yaciin, ku laar biic. Ke woi raan ëbɛ̈n, guɔ kakiën cä duöt tääu në yakët ku jäl.

Edhekiɛl 12:7 ပူးပေါင်းရင်းမြစ်များ

Edhekiɛl 12:3

“Ënɔɔnë, Mɛnh ë raan, dut nɔm de wal ke yï cït man ë raan kɔɔr tëde thiaan, ku jël ke piny ë kën guɔ cuɔl. Tɔ rɔt tïŋ ë raan ëbɛ̈n, ke yï jël ke yï jël ke yï lɔ tëdäŋ pei. Tɛk däŋ bï kɔc reec löŋë yï ŋic, ku tɛk däŋ bïk ŋic nɔn ye kek kɔc reec löŋ.

Edhekiɛl 12:8

Na ɣɔn amiäk, go jam de Bɛ̈nydït bɛ̈n tëde yɛn an:

Edhekiɛl 2:8

“Yïn mɛnh ë raan, piŋ kë lɛ̈k yïn. Du ya reec cït man ë kek. Liep yïthok ku cam kë bä gäm yïn.”

Edhekiɛl 24:18

Ɣɔn miäk rial yɛn aa jam wo kɔc. Na ɣɔn thëën ke tiiŋdï ë thou, na wään amiäk ë kööl däŋë ke luɔi cït man cïï ë ya yɔ̈ɔ̈k.

Edhekiɛl 37:10

Guɔ cɔ̈ɔ̈r cït man cïï ë yɛn yɔ̈ɔ̈k. Go wëi lɔ në gup cï thou yiic, gokï bɛ pïïr ku kɛ̈ɛ̈ckï nhial. Aake juëc aläl ka duëërkï rem de tɔŋ lëu.

Edhekiɛl 37:7

Guɔ cɔ̈ɔ̈r cït man cï ye lɛ̈k yɛn. Ku të thiin wën jaam yɛn, guɔ atektek piŋ, ku yom alekkï ke ke tuum röt.

Mak 14:16

Go kɔcpiööcë jäl, lek pänydït, lek ku yökkï ke cït man wën cï ë lɛ̈k keek: agokï këde Winythok guik.

Jɔn 15:14

Wek ee määthkï, të ya wek ka cä thɔ̈n week looi.

Luɔi 26:19

“Yen akɛ̈n ɛn kë cï nyuöth ɛn rɛɛc, kë bɔ̈ nhial, yïn melik Agiripa.