Edhekiɛl 12:15 - JAM DE NHIALIC 2011

¹⁵ “Të lan ke thiäi piny në juöör kɔ̈c yiic, ku piiny ke alɛi yiic, abïk jɔ ŋic nɔn ee yɛn Bɛ̈nydït.

Edhekiɛl 12:15 ပူးပေါင်းရင်းမြစ်များ

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 49:32

“Jatkï thɔ̈rɔ̈ɔ̈lken ku ɣɔ̈kken kedhie! Yɛn bï kɔc ee nhïmken tem ke ke cek thiäi në ɣään yiic ëbɛ̈n, Yɛn bï riääk yiɛ̈n keek në aguuk kedhie.

Edhekiɛl 11:10

ka wek bï nɔ̈k në tɔŋic pinydun. Ku ëtɛ̈ɛ̈n abïï raan ëbɛ̈n ŋic nɔn ee yɛn Bɛ̈nydït.

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 14:18

ku na cak ee kɔckë kadiäk rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny, ayï mïthken, ee wëiken kapäc.

Edhekiɛl 24:27

Në ye köölë wek bï riɛl de jam wään cï jäl määr tëde week yök, ku we bï jam në yen. Në ye kueerë wek bï aa kïït të de kɔc, ku abïk jɔ ŋic nɔn ee yɛn Bɛ̈nydït.”

Edhekiɛl 25:11

Yɛn bï Mowap luöi këtuc, ka bïk ŋic nɔn ee yɛn Bɛ̈nydït.”

Edhekiɛl 26:6

ku abïk kɔc nu në wuöt biic yiic nɔ̈k në abätɛ̈ɛ̈uken. Ëtɛ̈ɛ̈n, abï ë Tayer ŋic nɔn ee Yɛn Bɛ̈nydït.”

Edhekiɛl 28:26

Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Edhekiɛl 33:33

Ku të le wëlkun bɛ̈n ke ke ye yith kedhie, ku abïk aa yith ë yic, ëtɛ̈ɛ̈n abïk jɔ ŋic nɔn cïï ë tiët kɔn tɔ̈u në keyiic.”

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.