Edhekiɛl 12:12 - JAM DE NHIALIC 2011

¹² Wën melik mac päny keek abï kakɛn cï duut ɣääc në mɔ̈ɔ̈thic ku kuɛl rɔt të ɣɔ̈ɔ̈r cïk wɛ̈c en në päny kɔ̈u. Abï yenyin kum ku acïï të le yen thïn bï tïŋ.

Edhekiɛl 12:12 ပူးပေါင်းရင်းမြစ်များ

2 Mel 25:4

Go kɔc kal ë pänydït pïl kɔ̈u, ku kɔt kɔc ee tɔŋ thɔ̈ɔ̈r kedhie ɣɔn akɔ̈u, gokï tëëk në kueer bɔ̈ të lɔ kal thok në kaam ë kɛ̈l kaarou, në kueer ë dom de melik, ke kɔc ke Babilon ë ke cï wut cak tuɔɔk cil, acïk bɛ̈n tëëk ke ke wel kenïïm Araba.

2 Mel 7:5

Gokï jäl ɣɔn thëën ɣetkï wun ë Thiriya, na wën aa cïk ɣet wun ë Thiriya, acïn raan cïk bɛ̈n lɔ yök ëtɛ̈ɛ̈n.

Jop 24:16

Të cïï piny cuɔl ayek ɣööt thuur kɔ̈ɔ̈th ciëën, ku aköl ayek röt thiɔ̈ɔ̈k në ɣöötkeniic, akuckï aköl.

Jeremia 24:8

“Ku në biäk de Dhedekia melik de Juda, ku bäny thiäk në yen, ku kɔc kɔ̈k ke Jeruthalem ceŋ ee pinyë ku nɔn cïk lɔ Rip, Yɛn Bɛ̈nydït, abä keek looi arac kedhie cï man de mïth ke enap rac cïï duëërë cam.

Jeremia 32:5

Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Jeremia 39:4

Wën cï Dhedekia melik kekë bänyke kedhie kë loi rɔt tïŋ, gokï them luɔi bïï kek röt kual wei ë pänydïtic wakɔ̈u. Gokï tëëk në kueer ë dom ë bääny, tëkkï në kaam de kueer ee kɛ̈l kaarou rek, ku jɔkï röt kual ë kueer të lɔ wak de Jordanic.

Jeremia 42:7

Na wën aa lɔ nïn kathiëër tɛ̈ɛ̈k, ke Bɛ̈nydït ë jam ke yɛn,

Jeremia 52:7

kɛ̈l ke pänydït acï keek bɛ̈n thuur kɔ̈ɔ̈th. Cakaa wään cï ë pänydït geeu në kɔc ke Babilonia, rem de tɔŋ ë Jeruthalem acïk röt bɛ̈n kual wakɔ̈u. Aake tëëk në kueer ë dom de bääny, ku lekkï ë kueer ë kal ee kɛ̈l kaarou rek, ku kɔtkï ke ke lɔ të lɔ wak de Jordan.

Edhekiɛl 12:4

Të ŋoot ë piny ŋoot ke kën guɔ cuɔl, dut nɔmdu ke yï wel yïnɔm ë pɛ̈cic, agokï yïn tïŋ, ku bïk yïn woi ke yï jël thëën ke yï cït kë lɔ ë pɛ̈cic.

Edhekiɛl 12:6

Tɔ ke woi yïn ke yï cï kakuön wën cï duut tääu në yïkët, ku yïn lɔ të col ke yï cï yïnyin kum, ke yï cïï të le yïn thïn bï tïŋ. Kë cï looi abï aa jäny tëde baai de Yithriɛl.”