Edhekiɛl 11:5 - JAM DE NHIALIC 2011

⁵ Wëi ke Bɛ̈nydït acïk a lɔ̈ny go ë Bɛ̈nydït lɛ̈k ɛn bä kɔc lɔ gäm ee wëlkë: “Baai de Yithriɛl, yɛn ŋic kë luɛlkï, ku kakuön guiɛɛrkï keek.

Edhekiɛl 11:5 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Diɛt 50:21

Yïn cï ë kakë looi kedhie, ku Yɛn aa mim thok, aye cät an, Ya Raan cït yïn. Ku ënɔɔnë yïn bä jääm ku kuɛɛn awɛ̈ɛ̈cku në yïnɔm.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Edhekiɛl 2:2

Të wën ŋoot ë röl ke jam ke wëi ke Nhialic lɔ ë yaguöp, ku jɔtkï yɛn abä kɔ̈ɔ̈c në yacök, ku piɛŋ röl ke ŋoot ke jam an,

Edhekiɛl 2:7

Abä keek lɛ̈k këriëëc ëbɛ̈n bä lɛ̈k yïn an luel, na bïk piŋ ku nɔn cïkkï bï piŋ. Ŋic nɔn ye kek kɔc ril nïïm.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 3:11

Ku ëtɛ̈ɛ̈n jɔ lɔ tëde kɔckuön tɔ̈u piny lei, ku lɛ̈kë keek kë luɛɛl, Yɛn Bɛ̈nydït Awärjäŋ. lɛ̈kë keek ee kënë, na bïk piŋ ku na cïkï bï piŋ.”

Edhekiɛl 3:24

go Wëi bɛ̈n ë yaguöp, ku jɔtkï yɛn abä kɔ̈ɔ̈c në yacök. Go ë Bɛ̈nydït lɛ̈k ɛn an, “Lɔɔr baai ku thiɔ̈ɔ̈kë rɔt ɣöt.

Edhekiɛl 3:27

Ku të lan bɛ jam wo yïn, ku bɛ yïn gäm riɛl de jam, abä keek lɛ̈k kë cä lueel Yɛn Bɛ̈nydït Awärjäŋ. Kɔc kɔ̈k abïk piŋ në ke yiic, ku abïï ë kɔc kɔ̈k biɔn, në biäk ye kek jur jai.”

Edhekiɛl 8:1

Në kööl ë dhïc, në pɛɛi de dhetem në ruöön de dhetem, të wään cï ë wo peec, röördït ke dhiën ë Juda aake rɛ̈ɛ̈r në yɛn ë tök baaidï. Na wën ke riɛl de Bɛ̈nydït ë bɔ̈ në yaguöp ëthiäu.

Mak 2:8

Na wën, ke ŋic Yecu ënɔnthiinë nɔn jɛɛm kek aya ë kepiɔ̈ɔ̈th, go ke yɔ̈ɔ̈k an, “Eeŋö tɛɛrkï ë wepiɔ̈ɔ̈th wäkya?”

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Luɔi 10:44

Na wën, të ŋootë Petero ke luel wëlke, ke Wëidït ɣer lööny ë kɔc gup kedhie kɔc piŋ jam.

Luɔi 11:15

Na wën, aa gal jam, ke Wëidït ɣer ke ke lööny ë kegup, acït man cï kek kɔn lööny ë wogup wään.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Jakop 3:6

Ku liep ee mac, ee piny cï nɔm thiäŋ ke kërac, täu ee liep tɔ̈u ë ka ke wogup yiic kï, ee kënë guöp tɔ col ëbɛ̈n, ku ye kueer ë kë cï cak cuöny thok ë mac, ku yenguöp aye cuöny thok ë many ë giɛna.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 10:10

Na wën aa ɣeet Gibia, ke räm kekë tït juëc, ago wëi ke Nhialic ye dɔm arëët, ago käŋ caar kekë tït ëtök.

1 Tham 10:6

Ku wëi ke Bɛ̈nydït abïk bɛ̈n në yïguöp ëthiäu, ka yïn bï mɛt lɔ̈ɔ̈r we keek ke we cäär, ka yïn bï rɔt waar abä aa raan mɛɛn.