Edhekiɛl 11:23 - JAM DE NHIALIC 2011

²³ Na wën ke dhuëëŋ de Bɛ̈nydït ë nyiëëŋ pänydït piny, ku leer në kuur nɔm, kuur tɔ̈u në biäk të aköl amiäk de pänydït.

Edhekiɛl 11:23 ပူးပေါင်းရင်းမြစ်များ

Edhekiɛl 1:28

ku ade yic kïït ke mïït kedhie. Kënë aaye many riau nyooth täu de Bɛ̈nydït.

Edhekiɛl 10:18

Ëtɛ̈ɛ̈n biöl de many de täu ë Bɛ̈nydït, ë jäl në kal de Luaŋdït thok, ku le kɔ̈ɔ̈c në cerubiim nïïm nhial.

Edhekiɛl 10:4

Biöl ë many ë täu de Bɛ̈nydït lɔ nhial, tëde cerubiim ku jɔkï lɔ në kal thoŋ de Luaŋdït. Ëtɛ̈ɛ̈n go luät Luaŋdït thiɔ̈ɔ̈ŋ yic, ku jɔ kal yic riau në mac.

Edhekiɛl 43:2

ku ëtɛ̈ɛ̈n guɔ ɣɛɛr dhuëëŋ de Nhialic de Yithriɛl tïŋ ke bɔ̈ në biäk të lɔ aköl amiäk. Awuööu de bɛ̈nde acït pïïu juëc, ku jɔ piny riau në dhuëëŋde.

Edhekiɛl 43:4

Go ɣɛɛr riau tëëk në thoŋ ë kal të lɔ aköl amiäk ku leer ë Luaŋdïtic.

Edhekiɛl 8:4

Aguɔ dhuëëŋ de Nhialic de Yithriɛl tïŋ ëtɛ̈ɛ̈n, cït man wään cän en kɔn tïŋ në kiir de Cebar yɔu.

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Edhekiɛl 9:3

Go dhuëëŋ de Nhialic de Yithriɛl bɛ̈n nhial në wuök ke cerubiim yiic, të wën tɔ̈u en thïn, ku jɔ cath ke lɔ Luaŋdït thok. Go Bɛ̈nydït raan ceŋ lupɔ de linɔn cɔɔl an,

Dhek 14:4

Në ë köölë abï kɔ̈ɔ̈c ë kuur de olip nɔm në Jeruthalem të lɔ aköl amiäk, ku ëtɛ̈ɛ̈n kuur de olip abï e yic tek ë rou gɔl ë aköl amiäk lee aköl athɛ̈i në gökdït ë wak. Biäk de kuur abï lɔ të lɔ rut ku biäk tök abï lɔ të lɔ wöuwic.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!