Edhekiɛl 11:19 - JAM DE NHIALIC 2011

¹⁹ Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Edhekiɛl 11:19 ပူးပေါင်းရင်းမြစ်များ

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Yith 48:4

Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 37:14

Yɛn bï wëikï tääu në keyiic, ku bɛ ke tɔ pïïr, ku ta keek rɛ̈ɛ̈r pinyden. Ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel nɔn bän ee kënë looi, ku abä looi. Acä lueel, Yɛn Bɛ̈nydït Awärjäŋ.”

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Dhek 7:12

Acïk kenïïm bɛ̈n tɔ ril cït kuur, ku cïkï löŋ piŋ, ku wël wään cï Bɛ̈nydït de rɛm tɔ tucë keek në Wëike ë tït wään thɛɛr. Go Bɛ̈nydït de rɛm piɔ̈u bɛ̈n dïu arëët.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 11:2

Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an:

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 6:15

Ku cuɛ̈l ayï luɔi kënë raan cueel, acïnkï naamden ë Yecu Kërtho yic, ee raan cï piac cak, yetök.

Epethiei 4:23

Ku bɛkï röt tɔ cak në wëi nu ë wepiɔ̈ɔ̈th,

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.