Edhekiɛl 11:17 - JAM DE NHIALIC 2011

¹⁷ “Ka yïn lɛ̈kë keek, kë luɛɛl yɛn Bɛ̈nydït Awärjäŋ. Abä keek määt yiic në piiny cän keek thiäi thïn, ku yɛn bï piny de Yithriɛl pɔ̈k nɔm keek.

Edhekiɛl 11:17 ပူးပေါင်းရင်းမြစ်များ

Diɛt 107:3

ku puk wenïïm ciëën në wuöt ke juöör yiic, në biäk të lɔ aköl amiäk ku biäk të lɔ aköl athɛ̈i, ku biäk të lɔ rut ku biäk të lɔ wöuwic.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Jeremia 24:5

“Yɛn Bɛ̈nydït Nhialic de Yithriɛl, Yɛn ee kac cï peec leerë keek Jeruthalem tïŋ cï mïth ke ŋaap piɛth, ku bä ke looi apiɛth.

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 31:16

Mim thok du dhiau, ku wec pïïu ke yïnyin. Kë cï luöi mïthku ëbɛ̈n acï bï wan ke kënë cool, abïk kenïïm puk piny de kɔc ke ater.

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 20:42

Të puɔ̈k ɛn wenïïm piny de Yithriɛl, piny wään cän gutguut lueel an bä gäm kuarkun, ëtɛ̈ɛ̈n abäk jɔ ŋic nɔn ee yɛn Bɛ̈nydït.

Edhekiɛl 28:25

Acïï Bɛ̈nydït Awärjäŋ lueel an, “Yɛn bï baai de Yithriɛl bɛ̈ɛ̈i ciëën në juöör wään cän keek thiäi thïn, ku abï juöör ëbɛ̈n ŋic nɔn ɣɛɛr yɛn yic. Ku abïk jɔ rëër pinyden, piny ɣɔn cä gäm awundiën Jakop.

Edhekiɛl 34:11

“Yɛn Bɛ̈nydït Awärjäŋ, alɛ̈k week nɔn bän amɛ̈ldiën cï määr kɔɔr në yɛn ku tiɛɛt keek në yɛn

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.