Edhekiɛl 10:19 - JAM DE NHIALIC 2011

¹⁹ Go cerubiim ke wuök peer, ku jɔkï päär ke ke lɔ nhial ku aake wɔi keek, ago cök lɔ në keek. Agokï kɔ̈ɔ̈c ë määth në kal thoŋ de Luaŋdït të lɔ aköl amiäk, ku dhuëëŋ de Nhialic de Yithriɛl aa tɔ̈u në kenïïm nhial.

Edhekiɛl 10:19 ပူးပေါင်းရင်းမြစ်များ

Edhekiɛl 10:1

Na wën aa tiëŋ gëlgël në cerubiim nïïm nhial, ku ade kë cï thööc cï looi ë thapiro në kenïïm.

Edhekiɛl 11:1

Go Wëidït ke Bɛ̈nydït a jɔt leerkï yɛn në Luaŋdït thoŋ wel rɔt aköl amiäk. Në kal thok ëtɛ̈ɛ̈n yɛn cï kɔc kathiërrou ku dhïc tïŋ adekï yiic Jaadhania wën de Adhur ku Pelatia wën ë Benaya, bäny ke kɔc.

Edhekiɛl 43:1

Go raan ya lɛɛr në kal thoŋ lɔ aköl amiäk,

Edhekiɛl 43:2

ku ëtɛ̈ɛ̈n guɔ ɣɛɛr dhuëëŋ de Nhialic de Yithriɛl tïŋ ke bɔ̈ në biäk të lɔ aköl amiäk. Awuööu de bɛ̈nde acït pïïu juëc, ku jɔ piny riau në dhuëëŋde.

Edhekiɛl 43:4

Go ɣɛɛr riau tëëk në thoŋ ë kal të lɔ aköl amiäk ku leer ë Luaŋdïtic.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.