Edhekiɛl 1:4 - JAM DE NHIALIC 2011

⁴ Na wën aa tiëŋ tënhial, ke ya tïŋ amaŋdïït e yom ke bɔ̈ në biäk të lɔ rut. Ke ye wil ë biliny në luändïtic, ku tënhial nu ë yelɔ̈ɔ̈m aa lɔ biɔ̈rbiɔ̈r. Ku të ye mac lɔ bilinyë, ade kë ee riau ke cït Maläŋ.

Edhekiɛl 1:4 ပူးပေါင်းရင်းမြစ်များ

1 Mel 19:11

Go ë Bɛ̈nydït lɛ̈k en, an, “Lɔɔ, ku kääcë ë kuur nɔm ë Bɛ̈nydït nɔm.” Go Bɛ̈nydït tëëk, go yom dïït ril ago kur ɣääriic ku dhoŋ kur kor ë Bɛ̈nydït nɔm, ku Bɛ̈nydït acïï nu ë yomic: na wën, aacï yom wan, ke piny nieŋ rɔt, ku Bɛ̈nydït ë cïï nu të nieeŋ piny ë rɔt.

2 Mel 2:11

Na wën, aa ŋootkï, ke ke cath, ke ke jam, go abël ë mac thel ë jöŋgöör ke mac tuöl ë thiäu, ku tek keyiic, go Elija lɔ paannhial në kɔɔr.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

Jop 38:1

Go Nhialic bëër ku lɛ̈k Jop në yomdïït de amaŋic.

Diɛt 50:3

Nhialicda abɔ̈, ku acïï thok mim, many ee kɔc cuääl anu ë Yenɔm tueŋ, ku amaŋdït acath ë Yelɔ̈ɔ̈m ke wil Ye piny.

Bɛ̈n 9:24

deŋ kën kɔn tuɛny Rip ë caaŋdɛn yen jur. Deŋ tueny ë kɔɔi, ku lɔ lɔ̈k ë mac. Go lɔ̈k ë mac riau në kɔi yiic.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 21:1

Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Jeremia 23:19

Agönhde ee amaŋdït, ee yomdïït bï lööny ë kɔc ee karɛc looi nïïm,

Jeremia 25:32

Aye Bɛ̈nydït de rɛm lueel nɔn bï riääk bɛ̈n ë juöör gup ke ke kuany kecök, ku amaŋdï akut rɔt në aguuk ke piny yic.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Edhekiɛl 1:27

Ku kë rɛ̈ɛ̈r në yenɔm alɔ riauriau cï maläŋ tɔ̈u mɛɛc. Ariau ëbɛ̈n në many lɔ dhai,

Edhekiɛl 13:11

lɛ̈kë tït nɔn bïï pänyden wïïk. Yɛn bï deŋ tueny tuɔɔc. Deŋ kɔi abï lööny në yenɔm, ku put yom ril ë yeguöp.

Edhekiɛl 13:13

Ënɔɔnë kë lueel ë Bɛ̈nydït Awärjäŋ kï: “Në agönhdï yɛn bï yom dït tuɔɔc, ku wäl deŋ piny, ku deŋ kɔi ke ke bï päny jäp piny.

Edhekiɛl 43:3

Yen ë nyuuthë acït kë wään bä kɔn tïŋ, wään bïï Nhialic Jeruthalem bɛ̈n riɔ̈ɔ̈k, ku cït kë wään tiëŋ në kiir de Cebar yɔu. Na wën ke ya cuɛt rɔt piny ke ya gut yanɔm piny.

Edhekiɛl 8:2

Guɔ të nhial lieec, aguɔ nyuuth cït guöp raan tïŋ. Gɔl në yekɔ̈u leer ë yeguöp acït mac, ku gɔl ë yekɔ̈u leer nhial ariau cï maläŋ cï coth kɔ̈u.

Dhek 6:6

Abël thel ë jöŋgöör col, alɔ piny de Babilonia të lɔ rut. Ku abël thel ë jöŋgöör ɣer, alɔ të lɔ aköl athɛ̈i. Ku abël thel ë jöŋgöör kän lëk, alɔ të lɔ wöuwic.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm

Nyuuth 1:15

ku cït cök maläŋ cï lɔ bilbil, cït maläŋ cï lëëŋ ë manydïtic, abï lɔ wai: ku cït röl awuööu de piëëu.