Edhekiɛl 1:10 - JAM DE NHIALIC 2011

¹⁰ Töŋ në läi pïïr ee nɔm dɛ nïïm wuöc kaŋuan: ku nɔm cït raan yen atɔ̈u në biäk tueŋ, ku nɔm cït köör në biäk cuëc, ku nɔm cït thɔn në biäk cam, ku jɔ nɔm cït cuɔɔr tɔ̈u në ye ŋok.

Edhekiɛl 1:10 ပူးပေါင်းရင်းမြစ်များ

1 Lëk 12:8

Rin ke rem de tɔŋ de dhiën de Gad cï ŋiëc wɛ̈ɛ̈t, kɔc ɣɔn cï röt mät rem de tɔŋ ë Debid, ɣɔn nu en ë jɔ̈ɔ̈ric, ee kɔc cï wɛ̈ɛ̈t ë muŋ de kööt ku tɔɔŋ, acïtkï nyïïn kɔ̈ɔ̈r, ku aŋickï riŋ cï ŋeer ë kuriic.

Jop 39:27

Ye cuɔɔr yï tiit, agut të bï yïn e yɔ̈ɔ̈k, të kɔɔr en bïï ɣönde yïk në kur nïïm?

Kɛ̈ŋ 14:4

Acïn adhɛn ee juëc wun cïn thön ee pur, ee riɛl ë thön lui yen ee rap juëc.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 46:8

“Takkï ee kënë, wek kɔc ee karɛc looi, takkï kë cä looi.

Edhekiɛl 1:6

ku tök në keyiic aa de nïïm kaŋuan ku wuök kaŋuan.

Edhekiɛl 10:14

Tök në keyiic ee dɛk nïïm kaŋuan. Nɔm tueŋ ade nyïïn ke thɔn ë weŋ, ku nɔm de rou ade nyïïn ke raan, ku nɔm de diäk ade nyïïn ke köör, ku nɔm ciëën de ŋuan, ade nyïïn ke cuɔɔr.

Edhekiɛl 41:19

nɔm de raan acï wɛ̈l tiim ke akööt në biäk tök, ku nɔm de köör acï wɛ̈l tiim në biäk däŋë. Yen ee täu de ka në päny ë luaŋdït kɔ̈u ëbɛ̈n,

Danyel 7:4

Kë tueŋë acït köör, ku ade wuök cï cuɔɔr. Ku të wën daai yɛn, wuök acï keek guɔ cuän bei. Go läi jat nhial ku tɔ kääc në yecök. Na wën ke gëmë nɔm de raan.

Kuɛ̈n 2:10

Dhiën ë Ruben ë piäät në paany lɔ̈ɔ̈m baŋ të lɔ wöuwic alë Dhiën Bɛ̈ny Kuën Ruben Elidhur wën ë Ceduer 46,500 Thimion Celumiel wën Dhuricadai 59,300 Gad Eliathap wën ë Rewel 45,650 151,450 Dhiën ë Ruben kek abï ya amatnɔm de rou bï wat.

Kuɛ̈n 2:18

Ku amatnɔm de dhiën ë Eparaim ë piäät në paany lɔ̈ɔ̈m baŋ të lɔ aköl athɛ̈i në beerden, ku në bänyken cök alë: Dhiën Bɛ̈ny Kuën Eparaim Elicama wën ë Amiɣud 40,500 Manatha Gamaliel wën ë Pedadhur 32,200 Benjamin Abidan wën ë Gidiɔni 35,400 108,100 Ku dhiën ë Eparaim ee kek abï ya amatnɔm ee kek diäk bï wat.

Kuɛ̈n 2:25

Ku amatnɔm de dhiën ë Dan ë piäät në paany lɔ̈ɔ̈m baŋ të lɔ rut në beerden, ku në bänyken cök alë: Dhiën Bɛ̈ny Kuën Dan Aɣidher wën ë Amicadai 62,700 Acer Pagiel wën Wokran 41,500 Naptali Aɣira wën ë Enan 53,400 157,600 Dhiën ë Dan ee kek abï kɔc aa thïk cök ciëën.

Kuɛ̈n 2:3

Amatnɔm de dhiën ë Juda ë piäät në paany lɔ̈ɔ̈m baŋ të lɔ aköl amiäk, aake tɔ̈u në bänyken cök alë Dhiën Bɛ̈ny Kuën Juda Nacon wën ë Aminadab 74,600 Yithakar Nethaniɛl wën ë Dhuwar 54,400 Dhebulun Eliap wën ë Ɣelon 57,400 186,400 Dhiën ë Juda yen abï kɔn wat tueŋ në kɔc nïïm.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

Nyuuth 4:7

Ku lɛ̈n tueŋ acït guöp köör, ku lɛ̈n ee kek rou acït guöp thɔn, ku lɛ̈n ee kek diäk acït nyin raan, ku lɛ̈n ee kek ŋuan acït aduŋuɛɛt ee riŋ nhial.

Nyuuth 5:5

Na wën, ke ya yöökë raan tök ë röördït yiic, an, “Du dhiau: tïŋ, Köör ë dhiën ë Juda, ee Meei de Debid, acï tiam, në liëm bïï en awerek liep ku në kuëŋ bï en adɔ̈k kadhorou kuek.”

Bäny 14:18

Ago kɔc ke pänydït bɛ̈n ke akɔ̈l ë kën lɔ piny ë akööl ë dhorou an, “Ee kënou mit arëët, awär miök de kiëc? Ku eeŋö ril aläl awär köör?” Ago Thamthon bɛ̈ɛ̈r an, “Na ë we kën pur në weŋdï, adï kɛ̈nkï meekdiënë mɛɛk.”