Diɛt ke 7:4 - JAM DE NHIALIC 2011

⁴ Yïn cït yeth alooc bäär de tuŋ ke akɔ̈ɔ̈n. Ku nyïïnku acïtkï awuul nu në pänydït de Ɣecbonic, thiääk kekë kal de pänydïtë thok. Wumdu adik cï ɣön bɛ̈ɛ̈r de Lebanɔn, ee kɔ̈ɔ̈c ke woi Damathko piny.

Diɛt ke 7:4 ပူးပေါင်းရင်းမြစ်များ

Cäk 15:2

Go Abram puk nɔm an, “Ee këpiɛɛth cït ŋö bïn a cuööt Bɛ̈nydït Nhialic, ke ya cïn nɔm mïth? Ku Eliedher, raan de Damathko yen abï kakï lɔ̈ɔ̈k lak yetök.

2 Tham 8:6

Na wën ke Debid ë loi pɛɛny ke rem de tɔŋ ë Damathko, piny de kɔc ke Aram. Gokï aa lïïm ke Debid, ku tɔ keek tɔ kut athölbö ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

1 Mel 10:18

Ku be melik thöönydɛndïït ë tuuŋ akɔ̈ɔ̈n looi, ku kum kɔ̈u në adhääp lɔ wai.

1 Mel 10:22

Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 22:39

Ku këriëëc cï Aɣap looi ëbɛ̈n, ku ka cï looi kedhie, ku ɣön cï yïk në tuŋ ke akɔ̈ɔ̈n, ku lɔ pɛ̈ɛ̈nydït cï yïk kedhie, acï ke gɔ̈ɔ̈r në awerek de kathɛɛr ke meliik ke Yithriɛl yiic.

1 Mel 7:2

Ɣön töŋ de Tholomon aa cɔl ɣöndïït ë roor ë Lebanɔn, bɛ̈ɛ̈r de yen kɔ̈u ee mitïïr kathiërŋuan ku ŋuan, ku dït yen yic ee mitïïr kathiërrou ku rou, ku bɛ̈ɛ̈rde ke lɔ nhial ee mitïïr kathiëër ku diäk ku biäk.

1 Mel 9:19

pɛ̈ɛ̈nydït ye kacaamke tɔ̈ɔ̈u thïn, ku yïk pɛ̈ɛ̈nydït ye ke abëël ke tɔŋ tɔ̈ɔ̈u thïn, ku pɛ̈ɛ̈nydït ke kɔckɛn ke jöŋgöör, ku yïk këriëëc kɔɔr ëbɛ̈n në Jeruthalem ku Lebanɔn ku në ɣään kɔ̈k kɔɔr ë piɔ̈nde në ciɛɛŋde yic.

2 Lëk 8:6

pänydït de Baalath ku lɔ pɛ̈ɛ̈nydït ye käŋ tɔ̈ɔ̈u thïn, ku pɛ̈ɛ̈nydït ye abëëlkɛn ke tɔŋ kekë jöŋgöör tääu thïn. Ku looi kïïtde ëbɛ̈n në biäk de yïŋ ë Jeruthalem, ku Lebanɔn ku lɔ piny ceŋ ëbɛ̈n.

Diɛt 144:12

Tɔ wɛ̈ɛ̈tkuɔ në dhuöökdenic tɔ ke cït wal ee cil ke ke ril. Tɔ duetkuɔ bï ciët mën ke luakic wën ee luak mɔ̈k nhial.

Diɛt 45:8

Lupɔɔku acïk kɔ̈ɔ̈th thiäŋ në aŋiëër de mer ku aloyeth, ku kathiya, kɔc ee ket aleckï yïnɔm, ɣönduön de bääny cï jämic në tuŋ ke akɔ̈ɔ̈n.

Diɛt ke 1:10

Nhïmku alɛ̈kkï në yïgëm, ayek lööny ë yïyeth cït kuat de ateek.

Diɛt ke 4:1

Eeŋö jɔ yïn läkëläk aya nyandiën nhiaar! Ku eeŋö jɔ yïn nyin agɔk aya, wekë nhiëër në lupɔdu yic! Nhïmku acöŋkï, acïtkï bɔɔth bɔ̈ piny ë kuur ë Giliyad nɔm.

Diɛt ke 4:4

Ku yenhdu acït alooc bäär de Debid, dhuɔɔkic ku tɛ̈ɛ̈c, kekë guët cït aguum ke kööt cï nöök në yekɔ̈u.

Diɛt ke 4:5

Thinku acïtkï keu, ku cïtkï acuek ke ŋeer nyuäth në agurbiökiic.

Diɛt ke 6:5

Wɛlë yïnɔm wei tëde yɛn, nyïïnku acïk ɛn peec. Nhïmku ayek cöŋ, cï luny de bɔɔth bɔ̈ piny ë kuur de Giliyad nɔm,

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Ɣeberuu 5:14

Kuïn ril kɔ̈u yen aye këde röördït cï gïu ë wëët në luɔi ye kek këpiɛth pɔ̈c bei në këracic.