Diɛt ke 7:13 - JAM DE NHIALIC 2011

¹³ Yïn duëër awäu de tim de manderek ŋöör, ku mïthke tiim piɛth ëbɛ̈n athiëëkkï në ɣönda thok. Raandiën nhiaar, yïn cä muɔ̈k miɛtëpiɔ̈u, miɛtëpiɔ̈n thɛɛr kekë miɛtëpiɔ̈u de ënɔɔnë.

Diɛt ke 7:13 ပူးပေါင်းရင်းမြစ်များ

Cäk 30:14

Na ɣɔn, në akööl ke tëm agamɔ, ke Ruben ë lɔ wal cɔl manderek yök domic, go ke yiɛ̈n Liya man. Go Racel Liya lim, lëk en an, “Miɔc ɛn në kalik ke wal ke manderek ke wëndu yiic, akaar ke.”

Diɛt ke 2:3

Täu ye tiim ke tupa tɔ̈u ë tiim rooric, yen acït täu de monydiën nhiaar ë röör kɔ̈k yiic. Aya nhiaar bä rɛ̈ɛ̈r ë yelɔ̈ɔ̈m, ku mit mïthke në yathok.

Diɛt ke 4:13

Ëtɛ̈ɛ̈n yen aye ka cï com luɔk thïn. Ayek cil cï duum ke tiim ke pomegraneet, ku ayek luɔk në mïth ke tiim piɛth. Ayï wal cɔl ɣena kekë nard,

Diɛt ke 4:16

Jɔt rɔt pääcë yom de të lɔ rut. Ku yïn yom de wöuwic puɔ̈të të lɔ domdï, thiɔ̈ŋ yomic në awäu. Tɔ monydiën nhiaar bɔ̈ domde, ku bïï bɛ̈n cam në mïthkɛn mit aläl.

Diɛt ke 6:11

Yɛn cï lɔ piny bä tiim almon bɛ̈n tïŋ, bä tiim ë piac luɔk ë wakic bɛ̈n tïŋ, na cï enap ŋuɔl, ku na cï tiim ke pomegraneet nyok.

Diɛt ke 8:1

Adï jɔ ya mɛnhkäi, raan ë muk maar ë yethin. Na yäk yïn kueer, yïn duɛ̈ɛ̈r ciim thok, ku acïn raan duëër a gɔ̈k.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

1 Kor 2:9

Ku acït man cï e gɔ̈ɔ̈r an: “Akënë ke tïŋ ë raan nyin, ku akënë ke piŋ ë raan yïc, ku akënkï lɔ ë raan piɔ̈u, Kek ka cïï Nhialic guik në këde kɔc nhiaar en.”

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.