Diɛt ke 5:6 - JAM DE NHIALIC 2011

⁶ Guɔ ɣöt jɔ liëp thok monydiën nhiaar, aguɔ yök ke cï guɔ jäl. Aa kaar bä piŋ röl arëët! Guɔ lɔ kɔɔr, ku akën bɛ̈n yök, Guɔ cɔɔl ku acïn röl cä piŋ, röl bëër ɛn thok.

Diɛt ke 5:6 ပူးပေါင်းရင်းမြစ်များ

Cäk 42:28

Go mïthëkɔcken yɔ̈ɔ̈k an, “Wëukï acï keek dɔ̈k nïïm ɛn, kekï në cuaal thok!” Agokï piɔ̈ɔ̈th ŋɛɛr kedhie, ku woikï kenyïïn ke ke lɛthë keek. Ku luelkï an, “Eeŋö ee kë cïï Nhialic luöi wookë?”

2 Tham 16:10

Go ë melik puɔ̈k nɔm Abicai kekë mänhë Jowap an, “Acïn këdun yic thïn në yen, wɛ̈ɛ̈t ke Dheruia. Na cieen ɛn në biäk cïï Bɛ̈nydït ye yɔ̈ɔ̈k, eeŋa duëër yen thiëëc?”

Diɛt 28:1

Ee Yïn acaal Bɛ̈nydït, Raan riil ee ya gël. Piŋ dhiëndï! Na cïï lɔ bɛ̈ɛ̈r, yɛn bï nu në kɔc cï lɔ paan ë thuɔɔu.

Diɛt 30:7

Bɛ̈nydït, yïn piɛth piɔ̈u we yɛn, yïn ee ya kony cï gëlgël de kuur. Ku të cï yïn yïnyin thiaan në yɛn, yɛn ee riɔ̈ɔ̈c.

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Diɛt 77:3

Të yan Nhialic tak, yɛn ee wëi nhial, ku të waar an löŋde yɛn ee piɔ̈u jiɛth.

Diɛt 80:4

Agut cï nɛn Bɛ̈nydït Nhialic Awärjäŋ, yen bïï Yïn gɔ̈th wekë lɔ̈ŋ de kɔcku?

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Diɛt ke 5:2

Piɔ̈ndï aa yiɛ̈n, të wën niɛɛn ɛn, Guɔ nyuöth ke monydiën nhiaar ë tɔŋ ɣöt thok. Tɔ ya bɔ̈ ɣöt, raandiën nhiaar, nyandiën cï dikëdik, ku ye guukdï. Yɛn tiɔp nɔm wokë thäc, ku nɔmdï acï lɔ bath kekë ruu.

Diɛt ke 5:4

Monydiën nhiaar acï yeciin tääu ë ɣöt thok, guɔ piɔ̈u lɔ lïk në luɔi cï en guɔ thiɔ̈k.

Diɛt ke 6:1

Tiiŋ läk aläl në diääriic, ee tënou cï monyduön nhiaar lɔ? Nyuöthë wook ee kueerou cïï monyduön nhiaar tëëk? Agoku yïn kuɔny në kɔ̈ɔ̈rde.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

Dhiëëu 3:8

Yɛn cï lɔ̈ŋ në röldït ke ya kɔɔr kuɔɔny, ku Nhialic acï pïŋ rɛɛc.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Dhek 7:13

Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

Math 26:75

go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.

Mak 14:72

Na wën, ëtëthiinë, ke ajïth ë kiiu ë kiiudɛn ee yic rou. Go Petero wël tak wël wën cïï Yecu lɛ̈k ɛn en an, “Të ŋoot ajïth ke kën kiiu raanrou, ke yïn bï a jai ëtaiwei raandiäk.” Na wën, aacï ye thɔ̈ɔ̈ŋ, ke dhiau.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.