Diɛt ke 4:9 - JAM DE NHIALIC 2011

⁹ Daai ee yïn daai, nyandiën thiaak ee miɛt ë yapiɔ̈u, ku lɔ guët ye keek cieŋ, acïk yɛn kual nɔm.

Diɛt ke 4:9 ပူးပေါင်းရင်းမြစ်များ

Cäk 20:12

Ku ë yic yen ee nyankäi, ee nyan wää ku man ajɔ nu pei. Aguɔ thiaak.

Cäk 41:42

Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp.

Diɛt 45:9

Duet ke meliik anukï në diäärkuön ke dhuëëŋ yiic, ku tiiŋ melik akääc në baŋ cuënydu, ke ceŋ adhäm de opir.

Kɛ̈ŋ 1:9

Wëëtden abï yï tɔ läk cït göl ë dhuëëŋ në yïnɔm, ku cït kuat piɛth në yïyeth.

Kɛ̈ŋ 6:25

Du rɔ bï tɔ meet ë läkden. Du rɔt tɔ diir ë läk de kenyïïn.

Diɛt ke 1:10

Nhïmku alɛ̈kkï në yïgëm, ayek lööny ë yïyeth cït kuat de ateek.

Diɛt ke 1:15

Eeŋö jɔ yïn läk aya, nyandiën nhiaar, yïn ë nyin agɔk aläl wekë nhiëër!

Diɛt ke 3:11

Diëër ke Dhiɔn, bäkï tiëŋkï melik Tholomon. Aceŋ göl cïï ë man tääu në yenɔm, në kööl ɣɔn thiëëk en, kööl ɣɔn de miɛt ë piɔ̈nde kekë ayum de yen piɔ̈u.

Diɛt ke 4:10

Nhiëërdu ee ya miëtpiɔ̈u, nyandiën thiaak mit ë yapiɔ̈u. Nhiëërdu yen apiɛth awär mɔ̈u, ku awäudu atum aläl, awär wal ŋïr ëbɛ̈n

Diɛt ke 4:12

Nyandiën mit ë yapiɔ̈u, nyandiën thiaak ee dom cï moony, dom cï gël, ee awaŋ tɔ̈u të cï thiaan.

Diɛt ke 6:12

Ku yɛn lɛthë guöp, yïn cï ya tɔ de piɔ̈u nhiëër, cït man ye raan abël ë tɔŋ kuaath tɔŋ kɔɔr.

Diɛt ke 6:5

Wɛlë yïnɔm wei tëde yɛn, nyïïnku acïk ɛn peec. Nhïmku ayek cöŋ, cï luny de bɔɔth bɔ̈ piny ë kuur de Giliyad nɔm,

Diɛt ke 7:10

Yɛn ee këde monydiën nhiaar, ku yen akɔɔr ɛn.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Edhekiɛl 16:11

Ku miaac yï yeth në kuat lɔ bilbil ke maläŋ ku atek.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

1 Kor 9:5

Cuku nïïm de riɛl bï wok cath në tik, nyankënëda, acït man ë tuuc kɔ̈k aya, ayï wɛ̈ɛ̈tamäthken ë Bɛ̈nydït, ayï Kepath?

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.