Diɛt ke 4:6 - JAM DE NHIALIC 2011

⁶ Yɛn bï rëër ë kuur de mer, kuur de wal ŋïr, agut të le yom amiäk puɔ̈t, ku jël mɔ̈ɔ̈th.

Diɛt ke 4:6 ပူးပေါင်းရင်းမြစ်များ

Diɛt 66:15

Yɛn bï amɛ̈l ke miɔ̈c ye nyop ëbɛ̈n gam në yïk nɔm Yïn bä näk miöör ku thök bɔɔth, ku tol abï lɔ nhial.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 30:8

Ku ë lë thëën abï many alath bɛ̈n cuääny thok, ke be kë cït ee kënë nyɔk në luɔi. Miɔ̈c de wal ŋïr ë cath anande ke cïï kɔ̈u tɛɛm.

Bɛ̈n 37:29

Gokï miök ɣeric de tɔc looi, ku loikï wɛ̈ɛ̈l ŋïr awai, cïï looi në atëët ee miök liääp apiɛth.

Diɛt ke 2:17

Aɣët të ye yom amiäk puɔ̈t, ku jël mɔ̈ɔ̈th. Raandiën nhiaar bäär ciëën cï kɛɛu, ku cït thɔn ë ŋɛɛr nu ë kur ke Bether nïïm.

Diɛt ke 3:6

Eeŋö ë kë bɔ̈ në jɔ̈ɔ̈ric, ke cït luän de tol, acï looi në ŋiëër de mer kekë wal ŋïr, wal ye ɣaac ë kɔc ee käŋ ɣaac?

Diɛt ke 4:14

wal ke thapron, ku kalamuth ku kinamon, ku nɔn ee tiim ke wal ŋïr ëbɛ̈n, mer ku aloyeth ayek luɔk ëtɛ̈ɛ̈n, ku nyïïn ke wal kedhie, wal ŋïr aläl.

Diɛt ke 8:14

Bäär të nu yɛn, monydiën nhiaar, cït man ë kɛɛu, cït thɔn ë ŋɛɛr nu ë kuur nɔm të ye wal ŋïr luɔk.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

1 Jɔn 2:8

Ku ye löŋ ë piac cak ayadäŋ en gäär week, löŋ yic ë yeyic ku weyiic, luɔi kɔɔr cuɔlëpiny jäl, ku jɔ ɣɛɛr yic de piny guɔ riau.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.