Diɛt ke 2:8 - JAM DE NHIALIC 2011

⁸ Yɛn cï röl de raandiën nhiaar piŋ, abɔ̈ ke riŋ ë kuriic, abɔ̈ ke kɔt ke ret kuriic ke bɔ̈ të nu yɛn.

Diɛt ke 2:8 ပူးပေါင်းရင်းမြစ်များ

2 Tham 6:16

Na wën aa lɔ athänduŋ de mät ɣet Pänydït de Debid, go nyan ë Thaulo Mical biic lieec ë awëërnyin go melik Debid tïŋ ke cɔ̈ŋ ke ye kɛɛc nhial në Bɛ̈nydït lɔ̈ɔ̈m, go piɔ̈u rac ke yen.

Diɛt ke 2:17

Aɣët të ye yom amiäk puɔ̈t, ku jël mɔ̈ɔ̈th. Raandiën nhiaar bäär ciëën cï kɛɛu, ku cït thɔn ë ŋɛɛr nu ë kur ke Bether nïïm.

Diɛt ke 4:16

Jɔt rɔt pääcë yom de të lɔ rut. Ku yïn yom de wöuwic puɔ̈të të lɔ domdï, thiɔ̈ŋ yomic në awäu. Tɔ monydiën nhiaar bɔ̈ domde, ku bïï bɛ̈n cam në mïthkɛn mit aläl.

Diɛt ke 5:2

Piɔ̈ndï aa yiɛ̈n, të wën niɛɛn ɛn, Guɔ nyuöth ke monydiën nhiaar ë tɔŋ ɣöt thok. Tɔ ya bɔ̈ ɣöt, raandiën nhiaar, nyandiën cï dikëdik, ku ye guukdï. Yɛn tiɔp nɔm wokë thäc, ku nɔmdï acï lɔ bath kekë ruu.

Yith 35:6

Ŋɔl abï kɛɛc nhial ku cöŋ, ku kɔc cïï jam lëu abïk kïïu në miɛtëpiɔ̈u. Awɛɛŋ ke pïïu abïk wat jɔ̈ɔ̈ric,

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Jeremia 48:27

Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Luk 6:23

Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Luɔi 14:10

go yɔ̈ɔ̈k ë röl dït an, “Kääcë ke yï kim rɔt piny!” Go kɛɛc nhial ku ciɛth.

Luɔi 3:8

Na wën, ke gɔp rɔt nhial, ku kɛ̈ɛ̈c, ku ciɛth, go lɔ ë Luaŋdïtic ke keek ëtök, ke cath ku ye kɛɛc nhial, leec Nhialic.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.