Diɛt ke 2:14 - JAM DE NHIALIC 2011

¹⁴ Yïn cït guuk ee thiaan ë köŋ de kuuric, guuk nu në awiɛn nɔm, tɔ ya tïŋ nyinduön agɔk, ku piɛŋ rölduön lɔ gaŋgaŋ.

Diɛt ke 2:14 ပူးပေါင်းရင်းမြစ်များ

Jop 9:16

Na cak a caal në göönyic, ku piŋ a thok, ka cä duëër gam nɔn bï Yen kë luɛɛl piŋ.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 22:3

Ku ee Yïn anu në thööc nɔm ke Yï ye raan töŋ ɣeric, Raan töŋ ye kɔc ke Yithriɛl piɔɔny.

Diɛt 45:11

Läkdun abï we tɔ kɔɔr ë melik, në luöi yen bɛ̈nydun, yak riëëu.

Diɛt 45:12

Kɔc ke Tayer abïk bɛ̈n tëde Yïn në miɔ̈c, kɔc kueth aläl abïk yïn gäm miɔ̈c.

Diɛt 50:23

Raan ee miɔ̈c ee thieithieei gam, ee Ya dhuëëŋ guöp, ku raan ee kueerde tɔ lɔ cït, abä nyuöth kuɔɔny de Nhialic.”

Diɛt 68:13

Ku kɔc lɔ döŋ ciëën ke ke tit amɛ̈l, abïï ke gäm wuök ke guuk cï kum kɔ̈u në ateek, ku nɔɔk cï lɔ bilbil në adhäm lɔ kïr.

Diɛt 74:19

Du kɔckuön cïn nïïm riɛl nyiëëŋ ë kɔc ke ater cït läi roor cin, du nɔm mär në kɔckuön yɔŋ keek!

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Diɛt ke 1:15

Eeŋö jɔ yïn läk aya, nyandiën nhiaar, yïn ë nyin agɔk aläl wekë nhiëër!

Diɛt ke 1:5

Diëër ke Jeruthalem, yɛn col ku läk, yɛn col cï pɛɛny ke jɔ̈ɔ̈r de Kedar, ku läk cï lupɔɔ ke awëërnyïïn nu ɣön bɛ̈ɛ̈r de Tholomon yic.

Diɛt ke 1:8

Tiiŋ läk në diäär yiic, na cïï ee tɛ̈ɛ̈n ŋic? Lɔɔr ku kuany luny cök, ku nyuääthë bɔɔthku në pɛɛny ke tïït lɔ̈ɔ̈m.

Diɛt ke 5:2

Piɔ̈ndï aa yiɛ̈n, të wën niɛɛn ɛn, Guɔ nyuöth ke monydiën nhiaar ë tɔŋ ɣöt thok. Tɔ ya bɔ̈ ɣöt, raandiën nhiaar, nyandiën cï dikëdik, ku ye guukdï. Yɛn tiɔp nɔm wokë thäc, ku nɔmdï acï lɔ bath kekë ruu.

Diɛt ke 8:13

Tɔ ya piŋ yï röl domic nyandiën nhiaar, määthkï akɔɔrkï bïk yïn piŋ röl ke yï jam.

Yith 2:21

Të le Bɛ̈nydït piny bɛ̈n lath, kɔc abïk thiaan në pɔ̈liic, ku kɔ̈k ke kuriic, themkï bïk röt kual në agönh ë Bɛ̈nydït, në biäk de riɛldïïtde ku dhuëëŋ.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 60:8

Eeŋö ë ka cït abëël ee röt yɔɔk cït luät, acïtkï guk päär ke ke dɔk röt baai?

Jeremia 48:28

“Wek kɔc ceŋ Mowap, nyääŋkï wuötkun piny! Lak ciëŋkï në kur nïïm! Takkï röt cït guuk ee ɣönde yïk në kök thok.

Jeremia 49:16

Lɛcdu acï yïn math. Acïn raan ee riɔ̈ɔ̈c ee yïn, cïn man ee yïn en tak an ye kɔc riɔ̈ɔ̈c ë yïn. Yïn rɛ̈ɛ̈r në awiɛn ë kur nïïm, në kuur nɔm nhial ya, ku cakaa nɔn rɛ̈ɛ̈r yïn nhial ya cï cuɔɔr, Bɛ̈nydït abï yïn bɛ̈ɛ̈i piny. Acï Bɛ̈nydït lueel.”

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Obadaya 1:3

Wek cïï lɛcdun math. Pänydïïtdun acï gël në kal ë kuur lɔ giliu, ku ɣöötkun anukï në kur nïïm ya, ka yak lueel në wepiɔ̈ɔ̈th an, ‘Eeŋa duëër wook kɔn lɛɛr piny?’

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 3:16

Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Epethiei 5:27

luɔi bï en e tääu ë yenɔm, abï aa ɣön ë Nhialic de yic dhuëëŋ, ke cïnic këthiin rac, ayï anyuin, ayï däŋ cït ee kënë aliu, ku abï yic ɣɛɛr ëwic ku cïnic kë bï e gɔ̈k.

Kolothai 1:22

në guöpdɛn ë rïŋ, në thon cï en thou, luɔi bï en we tääu ë yenɔm, ke we ɣeriic ku cïn gääk bï we gɔ̈k, ku cïn jäny bï we jɔ̈ɔ̈ny,

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.